Tarixçilərin qələmindən
1920-ci ilin mart ayında – Novruz bayramı günlərində ermənilər yaxşı düşünülmüş plan əsasında müxtəlif cəbhələrdə – Böyük Vedidə, Naxçıvanda, Ordubadda, Qarabağda və Zəngəzurda genişmiqyaslı hərbi əməliyyatlara başladılar. Qarabağda qiyamçı qüvvələrlə əməliyyatlar aparan Azərbaycan ordusunun diqqətini yayındırmaq üçün Zəngəzura İrəvandan əlavə qüvvələr gətirildi və müsəlman kəndlərinə bir sıra hücumlar edildi.(2, s.239; sənəd 81) Şuşa qəzasına soxulmağa cəhd edən 400 nəfərlik erməni dəstəsi Gerenzurdan hücuma keçərək azərbaycanlılar yaşayan Malxələf kəndini ələ keçirməyə çalışsa da, xeyli itki verərək geri çəkilməyə məcbur oldu.
Tarix üzrə fəlsəfə doktoru Kamran İsmayılov
ZƏNGƏZURDA AZƏRBAYCAN XALQINA QARŞI SOYQIRIMI (1918-1920). səh 66
