“Murtuza Muxtarovun evi”
Bakının gözəl memarlıq nümunələrindən biri olan “Murtuza Muxtarovun evi” 1911-1912-ci illərdə İ.Ploşkonun layihəsi əsasında inşa edilmişdir. İlkin olaraq İ. Ploşko bu layihəni Şərq üslubunda tərtib etməyi düşünsə də, lakin M. Muxtarov onu qotika üslubunda tikdirməyi qərara almışdır.
Planlaşdırma nöqteyi-nəzərindən ev maraqlı formada işlənmişdir. Binanın hər sütunu, tağları, buta və gülləri, pəncərə və qapıları təkrarolunmaz sənət əsəri, memarlıq incisidir.
Peterburqdan olan memarlıq akademiki H. D. Qrimm tərəfindən tərtib olunmuş Bakı üçün mədaxilli evin müsabiqə layihəsi 1900-cü ildə birinci mükafata layiq görülmüşdür.
Təəssüf ki, bolşeviklərin hakimiyyətə gəlişi ilə ev mülk sahiblərinin əlindən alınmış, XI Qırmızı Ordunun qərargahına çevrilmişdir. Bir müddət sonra bina Ə.Bayramov adına Qadınlar Klubu, Şirvanşahlar Muzeyi və nəhayət, nikah sarayı kimi istifadə olunmuşdur.
Azərbaycan Respublikası Nazirlər Kabinetinin 132 nömrəli, 02.08.2001-ci il tarixli Qərarı ilə bina dövlət qeydiyyatına götürülmüş, 2005-ci ildə isə müvafiq sərəncama əsasən, burada təmir-bərpa işləri aparılmışdır.
