24.04.2018- ci il tarixində Quba “Soyqırımı Memorial Kompleksi” və Quba Mərkəzləşdirilmiş Kitabxanalar Sistemi ilə birgə, Azərbaycan Xalq Cümhuriyyətinin 100-cü ildönümü ilə əlaqədar “Tarixi Həqiqətlər” mövzusunda tədbir təşkil edilmişdir. İlk öncə tədbir iştirakçıları 1918-ci il soyqırım qurbanlarının xatirəsini əbədiləşdirən abidəni ziyarət etmişlər. Kompleksin direktoru Rəxşəndə Bayramova qonaqları salamlayaraq onlara erməni daşnaklarının Azərbaycan torpaqlarında törətdikləri soyqırımları haqqında ətraflı məlumat vermişdir. Daha sonra Mərkəzləşdirilmiş Kitabxanalar Sisteminin direktoru Saməddin Nəsirov deyilənlərə əlavə olaraq, bəşəriyyətin ən böyük faciələrindən olan 31 mart soyqırımı faktlarını, tarixi həqiqətlərin dünyaya çatdırılması istiqamətində böyük işlər görüldüyünü vurğuladı. Sonda iştirakçılara soyqırım hadisələrini əks etdirən sənədli filim nümayiş olundu.
