Ağdaban faciəsi
Ermənistan silahlı qüvvələrinin törətdiyi Ağdaban faciəsi Ermənistanın Azərbaycana qarşı təcavüzünün qanlı cinayətlərindən biridir.
1992-ci il aprelin 7-dən 8-nə keçən gecə Ermənistan silahlı qüvvələri Dağlıq Qarabağın erməni separatçı quldur dəstələrinin dəstəyi ilə Ağdaban və Çayqovuşan kəndlərinə basqın etmişlər.Kəndləri müdafiə edən kiçik dəstələr ermənilər tərəfindən darmadağın edilmiş, müdafiəsiz qalan kənd əhalisi isə qarla örtülmüş meşələrə və dağlara ayaqyalın qaçmağa məcbur olmuşlar. Bu faciə zamanı 8 nəfər 90-100 yaşlı şəxslər, 2 uşaq, 7 qadın olmaqla 32 nəfər vəhşicəsinə qətlə yetirilmiş, həmçinin 2 nəfər itkin düşmüş, 12 nəfər ağır yaralanmış, 5 nəfər isə girov götürülmüşdür.
