Tarixə "3 günlük döyüşlər" kimi həkk olunmuş Quba hadisələri. (Yerli müqavimət hərəkatı)
1918-ci ilin 31 mart ayında Bakıda baş vermiş soyqırımı hadisilirindən bir qədər sonra aprel ayında Stepan Şaumyanın tapşırığı ilə gürcü əsilli David Gelovani və ermənilərdən ibarət silahlı dəstə hakimiyyəti ələ keçirmək məqsədilə Quba qəzasına göndərilir. Burada özünü Quba Qəza Komissarı elan edən D.Gelovani yerli əhaliyə bolşevik hakimiyyətini tanımaq üçün 2 saat vaxt verir və çarəsiz qalan şəhər idarəetməsi bu təkliflə razılaşır. Qəzaya gələn kimi ilk növbədə D.Gelovani yerli hakimiyyətin tərksilah edib həbsxanada saxladığı quldur erməni dəstəsinin üzvlərini azad edir. Gelovaninin dəstə üzvləri və azadlığa çıxmış ermənilər bu dəfə bolşevik adı ilə yenidən qəzada dinc sakinlərə qarşı quldurluq, sui qəsd hallarına başlayırlar. Qəzada baş verən bu hadisələrin şahidi olan Quba qəza komissarı Əli bəy Zizikski və bəylər tərəfindən yerli müqavimət hərəkatına başlanılır.
Qədim təqvimlə 16-19 aprel / 28-30 aprel tarixlərində qəzada döyüşlər aparılır, Gelovani və onun silahli dəstələri Quba qəzasından qovulur və qəzada əmin-amanlıq bərqərar olur. Lakin bu əmin-amanlıq çox çəkmir. Bir qədər sonra may ayında daşnak-bolşevik S. Şaumyanın göstərişinə əsasən Quba qəzasına cəza tədbiri olaraq erməni cəllad Hamazasp və onun rəhbərlik etdiyi daşnak ermənilərdən ibarət qoşunu 9 gün ərzində Qubanın dinc günahsız əhalisinə qarşı soyqırımı həyata keçirilir. Tarixə “3 günlük döyüşlər” kimi həkk olunmuş bu mübarizədə bir xeyli erməni quldur məhv edilir, Gelovani və onun silahli dəstələri isə Quba qəzasından qovulur.
