Azərbaycan Respublikası Təhsil Nazirliyi tərəfindən Şəhid övladları üçün təşkil olunan "Zəfər" Şəhid Ailələrinə Dəstək İctimai Birliyinin təşkilatçılığı ilə keçirilən "Zəfər" düşərgəsinin iştirakçıları Quba şəhərinə səfərləri çərçivəsində Soyqırımı Memorial Kompleksini ziyarət etmişlər.

Ziyarət zamanı düşərgə iştirakçılarına erməni daşnakların 1918-ci ildə Azərbaycan torpaqlarında törətdikləri soyqırımı hadisələri haqqında ətraflı məlumat verilmişdir. Ziyarətin sonunda onlara Kompleksin rəhbərliyi tərəfindən soyqırımı hadisələrini özündə əks etdirən kitab, buklet və müxtəlif hədiyyələr təqdim edilmişdir.