“Heydər Əliyev ili” və 31 mart 1918-ci il azərbaycanlılara qarşı törədilmiş soyqırımın 105-ci ildönümü ilə əlaqədar Yasamal rayon 150 nömrəli tam orta məktəbdə “Azərbaycanlıların soyqırımına tarixi, siyasi və hüquqi qiymətin verilməsinin əhəmiyyəti” adlı konfrans keçirilib.
Konfransda tarix üzrə fəlsəfə doktoru, dosent, AMEA Şərqşünaslıq İnstitunun aparıcı elmi işçisi, Quba şəhərində “Soyqırımı Memorial Kompleksi”nin mütəxəssisi Sübhan Talıblı çıxış edərək azərbaycanlılara qarşı törədilmiş soyqırımlara siyasi və hüquqi qiymətin verilməsində Ulu Öndər Heydər Əliyevin rolundan danışıb. Konfrans zamanı məktəbin direktoru, tarix müəllimləri də çıxış edərək tarixən Azərbaycan torpaqlarında baş vermiş soyqırımlardan bəhs ediblər. Tədbirin sonunda mövzu ilə əlaqəli film nümayiş olunub.
