07 İyul 2023Xəbər

Soyqırımı Memorial Kompleksi, Quba rayon Fizika, Riyaziyyat və İnformatika Təmayüllü Liseyinin, “Outsite” şirkətinin birgə təşkilatçılığı ilə Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VI qrant müsabiqəsinin “Ümumi təhsil müəssisələri” kateqoriyası üzrə qalib olan "Həm öyrənək, həm dincələk!" layihəsinin 100-ə yaxın şagirdi üçün Soyqırımı Memorial Kompleksində 1918-ci il azərbaycanlılara qarşı törədilmiş soyqırımlarına həsr olunmuş bələdçilik təlimi keçirilmişdir.

Təlimdə kompleksin mətbuat katibi Abutalıb Turabov “Qoruq və muzeylərin təbliğində bələdçinin rolu və şəxsi örnək”, mütəxəssis Aysu Bülbülzadə isə “Bələdçi olmaq üçün nələri bilməliyik?” mövzularında çıxışlar etmişlər.

Daha sonra məktəblilər üçün kompleksin ziyarəti təşkil olunmuşdur və onlara 1918-ci il hadisələri ilə bağlı məlumat verilmişdir. Sonda təlim iştirakçılarına sertifikat və bukletlər təqdim edilmişdir.

Oxşar xəbərlər

Azərbaycan mədəni irs sahəsində qlobal innovasiya liderləri sırasında yer aldı

Soyqırımı Memorial Kompleksinin kollektivi ağacəkmə aksiyası keçirib.

Dövlət Xidməti mədəni irs üzrə ən yaxşı data innovasiyası beynəlxalq mükafatına layiq görülüb