• office@soyqirim.az
  • (023)335-37-07
Quba “Soyqırımı Memorial Kompleksi”nin əməkdaşları Şərqşünaslıq İnstitutunda olublar / 24 Yanvar, 2024
Quba şəhərində “Soyqırımı Memorial Kompleksi”nin “Elmi araşdırmalar, Ekspozisiya və Fond” şöbəsinin əməkdaşları Aysu Bülbülzadə və Ülkər Zeynalova AMEA-nın akademik Z.M.Büynadov adına Şərqşünaslıq İnstitutunda elmi ezamiyyətdə olublar. Quba “Soyqırımı Memorial Kompleksi”nin əməkdaşlarına İnstitutun direktoru, akademik Gövhər Baxşəliyeva ilə görüşdə Ümummilli Lider Heydər Əliyev və Prezident İlham Əliyevin dövründə Azərbaycanın Şərq ölkələri ilə münasibətləri, İnstitutun yaranma tarixi və fəaliyyəti, elmi işləri, keçirilmiş yerli və beynəlxalq konfranslar, nəşr olunmuş əsərlər, xüsusilə də azərbaycanlıların soyqırımları haqqında yazılımış Azərbaycan, türk, ərəb, fars, ingilis dillərindəki əsərlər barəsində geniş məlumat verilib.
Görüşdə Şərqşünaslıq İnstitutunun aparıcı elmi işçisi, eyni zamanda Quba “Soyqırımı Memorial Kompleksi”nin mütəxəssisi, tarix üzrə fəlsəfə doktoru, dosent Sübhan Talıblı da iştirak edirdi.
Kompleksin əməkdaşları İnstitutun alimləri ilə fikir mübadiləsi aparıb, azərbaycanlıların soyqırımı haqqında əsərlərdə tanış olub, kitabxanadan da istifadə ediblər. Sonda Soyqırımı Memorial Kompleksinin əməkdaşlarına Şərqşünaslıq İnstitutunda nəşr olunmuş kitab və jurnallar hədiyyə edilib.

Paylaş

Spread the love