fbpx
  • office@soyqirim.az
  • (023)335-37-07
Anlaşma Memorandumu imzalandı. / 5 May, 2022
2013-cü ildən fəaliyyətə başlamış Quba şəhərində “Soyqırımı Memorial Kompleksi” türk-müsəlman soyqırımlarını təbliğ edən yeganə ideoloji mərkəzdir. Kompleksin gələcək təbliğat və təşviqat işlərinə yeni baxış strategiyasına əsasən, soyqırımı həqiqətlərini dünyaya çatdırmaq məqsədilə beynəlxalq aləmdə və ölkə daxilində əməkdaşlıq qurulması prosesi uğurla davam etdirilir. Bu ənənənin davamı olaraq 05.05.2022-ci il tarixində Kompleksdə Azərbaycan Dövlət Pedoqoji Universitetinin Şamaxı filialı və Soyqırımı Memorial Kompleksi arasında Anlaşma Memorandumu imzalanmışdır. Rəsmi görüş zamanı hər iki müəssisə arasında bundan sonra daha sıx əməkdaşlağın qurulması, elm və mədəniyyət sahəsində layihələrin keçirilməsi, müxtəlifməzmunlu sərgilərin və ekskursiyaların təşkili, KİV, sosial şəbəkələrdə birgə təbliğat və təşviqat işlərinin aparılması prioritet istiqamətlər kimi müəyyənləşdirilmişdir.
Xatırladaq ki, bu il Azərbycan təhsilinin inkişafına öz geniş töhfəsini vermiş, ölkəmizin qabaqcıl ali təhsil ocaqlarından biri olan Azərbaycan Dövlət Pedoqoji Universitetinin Şamaxı filialının 30 illik yubileyidir. 22 müəllimin çalışdığı ali təhsil ocağında 700-dən çox tələbə təhsil alır.