Dini Qurumlarla İş üzrə Dövlət Komitəsinin sədri Ramin Məmmədov dekabrın 4-də Quba, Xaçmaz, Siyəzən, Şabran və Qusar rayonlarından olan vətəndaşları qəbul etmək üçün Qubaya səfər edib. Səfər çərçivəsində komitə sədri Quba şəhərində “Soyqırımı Memorial Kompleksi”ni də ziyarət edib.

Ramin Məmmədova Kompleksin fəaliyyəti haqqında məlumat verilərək bildirilib ki, Azərbaycanlılara qarşı törədilmiş soyqırımı Bakı ilə yanaşı Şamaxı, Quba, İrəvan, Zəngəzur, Qarabağ və Naxçıvanda həyata keçirilib. Məhz bu soyqırımı nəticəsində təkcə Quba qəzasında xüsusi vəhşiliklə 16000-dən artıq insan öldürülmüş, 167 kənd məhv edilmişdir.