8 noyabr Zəfər Günü ərəfəsində Soyqırımı Memorial Kompleksinin təşkilatçılığı ilə Quba şəhər ərazisində iməclik aksiyası keçirilmişdir. Keçirilən aksiyada kompleksin rəhbərliyi və 25-dən çox əməkdaşı yüksək fəallıq nümayiş etdirərək könüllü şəkildə iştirak etmişdir.

İməclik zamanı ərazidə yığılıb qalan bütün məişət tullantıları və zibilliklər tamamilə təmizlənmişdir. Toplanan tullantılar xüsusi kisələrə yığılaraq ərazidən birdəfəlik uzaqlaşdırılmış və müvafiq qaydada poliqona daşınmışdır. Birgə əməyin səmərəli nəticəsi olaraq ərazi qısa müddət ərzində tamamilə təmiz, nizamlı və səliqəli görkəmə gətirilmişdir. Bu cür könüllü aksiyalar həm tarixi irsimizə olan böyük ehtiramı nümayiş etdirir, həm də ətraf mühitin qorunmasına mühüm töhfə verir.