Author: admin

14.05.2019-cu il tarixində Soyqırımı  Memorial  Kompleksində  Prezident  İlham Əliyevin tövsiyəsi ilə reallaşan “Ölkəmizi tanıyaq” maarifləndirici tur-aksiya çərçivəsində Quba şəhər məktəblilərinin fəal iştirakçıları, vətənpərvərlik tərbiyəsində, Azərbaycanımızın tarixini, maddi-mədəniyyətini, sosial-iqtisadi həyatını  daha dərindən  öyrənilməsində  “Ölkəmizi tanıyaq” devizi ilə keçirilən  maarifləndirici tur-aksiyaların  xüsusi əhəmiyyət kəsb etməsi  haqqında Azərbaycan  Televiziyasına (Az.Tv) müsahibə vermişlər.

Ziyarətçilərə ermənilərin 1918-ci ildə törətdikləri vəhşiliklər haqda ətraflı məlumat verilib.

2-3 may 2019-cu il tarixində UNESCO, BMT-nin Sivilizasiyalar Alyansı, Dünya Turizm Təşkilatı, Avropa Şurası və İSESCO-nun birgə tərəfdaşlığı ilə keçiriləcək V Dünya Mədəniyyətlərarası Dialoq Forumunda iştirak etmək məqsədi ilə ölkəmizdə səfərdə olan Avropa Əlamətdar Qəbiristanlıqlar Asossasiyasının prezidenti xanım Lidiya Plibersek, 01 may 2019-cu il tarixində Mədəniyyət Nazirliyi yanında Mədəni İrsin Qorunması İnkişafı və Bərpası üzrə Dövlət Xidmətinin əməkdaşı xanım Səidə Abdullayevanın müşayiəti ilə Quba şəhərində “Soyqırımı Memorial Kompleks”ni ziyarət etmişdir.

27. 04. 2019-cu il tarixində “Mustafa Kamal Atatürk-2019” Türkiyə-Azərbaycan birgə hərbi təlimlərə cəlb olunan türk hərbi əsgər və zabitləri Quba şəhərində “Soyqırımı Memorial Kompleksi”ni ziyarət etmişlər. İlk öncə qonaqlar faciə qurbanlarının xatirəsinə ucaldılan abidəni ziyarət etmiş və qarşısına tər güllər düzmüşlər. Qonaqları salamlayan Kompleksin direktoru tarix üzrə fəlsəfə doktoru Rəxşəndə Bayramova son 2 əsrdə Qafqazda türk-müsəlman əhalisinə qarşı məqsədyönlü şəkildə həyata keçirilmiş etnik təmizləmə, soyqırımı siyasəti və 1918-ci ildə Azərbaycan torpaqlarında erməni quldur dəstələri tərəfindən törədilmiş vəhşilikləri barədə, həmçinin muzeyin ekspozisiyalarında əks olunmuş foto şəkillər və sənədlər haqqında ətraflı məlumat vermişdir.
Sonda qonaqlara soyqırım hadisələrini əks etdirən kitab və bukletlər təqdim edilmişdir.

26.04.2019-cu il tarixində Quba şəhər 2 №-li tam orta məktəbinin ibtidai sinif şagirdləri və müəllimləri  Soyqırımı Memorial Kompleksini  ziyarət etmişlər. Məktəblilərə 1918-ci ildə cinayətkar erməni hərbi dəstələri tərəfindən azərbaycanlılara, o cümlədən azərbaycanda yaşayan digər xalqların nümayəndələrinə  qarşı  törətdikləri  bəşəri cinayətlər  haqqında  ətraflı məlumat verilmişdir.  Daha sonra Kompleksin  bələdçiləri  muzeydə olan  Quba soyqırımına  aid  ayrı – ayrı tarixi  sənədlər, eksponatlar haqqında məlumat verərək, məktəbliləri  maraqlandıran sualları  cavablandırmışlar. Sonda soyqırım hadisələrini əks etdirən sənədli film nümayiş olunmuşdur.

Bu günün əsas məqsədi insanların diqqətini abidələrin və tarixi yerlərin qorunmasına yönəltmək, cəmiyyət arasında mədəni irsin insan həyatındakı rolunu təbliğ etmək və irsin mühafizəsi istiqamətində imkanları səfərbər etməkdir. 18 aprel Beynəlxalq Abidələr və Tarixi Yerlər Günü Azərbaycanda geniş qeyd olunur. Hər il bu tarixdə qoruqlarda, tarixi məkanlarda abidələrin və tarixi yerlərin qorunmasının təbliği məqsədi ilə müxtəlif tədbirlər, sərgilər təşkil olunur. 18.04.2019-cu il tarixində Quba şəhərində “Soyqırımı Memorial Kompleksi”ndə də 18 Aprel Beynəlxalq Abidələr və Tarixi Yerlər Günü Kompleksə gələn yerli və əcnəbi ziyarətçilər muzeyin zalında soyqırımla bağlı müxtəlif kitabların sərgisi ilə tanış olmuş, həmçinin mövzu ilə bağlı sualları cavablandırmışlar. Sonda fəal iştirakçılara soyqırımı hadisələrini əks etdirən kitab və bukletlər təqdim edilmişdir.

“Soyqırımı Memorial Kompleksi”ndə bu gündən etibarən 2 gün ərzində “18 Aprel Beynəlxalq Abidələr və Tarixi Yerlər Günü” ilə əlaqədar soyqırımı hadisələrini özündə əks etdirən kitabların sərgisi və ziyarətçilər üçün mövzu ilə bağlı viktorinanın keçirilməsi nəzərdə tutulmuşdur.  Kompleksə gələcək yerli və əcnəbi ziyarətçilər muzeyin zalında kitab sərgisi ilə tanış olacaq, viktorina suallarını cavablandıran fəal iştirakçılara müxtəlif hədiyyələr, o cümlədən kitab və bukletlər təqdim ediləcəkdir.

Adına mahnılar qoşulan “Xarı bülbül” dünyanın heç yerində rast gəlinməyən, təbiətin yalnız Azərbaycana bəxş etdiyi, adı Qarabağla yanaşı çəkilən qeyri-adi gözəlliyi, zərifliyi ilə yanaşı, həm də cəsarət rəmzi hesab edilən təbiət möcüzəsidir. Şuşanın simvolu hesab olunan “Xarı bülbül” yurdunun erməni işğalında olduğu üçün bu bahar öz pənahını Soyqırımı Kompleksinə gətirmişdir. İnşallah tezliklə doğma Qarabağımız erməni işğalından azad olar və bu cəsarət rəmzi sayılan nadir bitkinin fotoşəkilləri doğma diyarından çəkilərək hər yerdə nümayiş olunar.

Soyqırımı Memorial Kompleksində 18.04.2019-cu il tarixində saat 08.00-dan 19.00-dək “18 Aprel Beynəlxalq Abidələr və Tarixi Yerlər Günü” ilə əlaqədar xüsusi olaraq Kompleksə gələn ziyarətçilərə soyqırımla bağlı müxtəlif kitabların sərgisi nümayiş etdiriləcək.

“31 mart Azərbaycanlıların soyqırımı”nın 101-ci ildönümü ilə əlaqədar Azərbaycan Dövlət Televiziyasının (AZTV) rəhbərliyi tərəfindən ilk dəfə olaraq gün ərzində Quba şəhərində “Soyqırımı Memorial Kompleksi”ndən birbaşa yayımlar təşkil olunmuşdur. Həmçinin, digər media orqanları da, o cümlədən ATV, Xəzər TV, ARB, Space, İTV, Lider TV, REAL TV, Qafqaz TV, və s. təşkil olunan konfransı işıqlandıraraq, iştirak edən tarixçilər, millət vəkilləri ilə geniş müzakirələr aparmışlar. Müsahiblər erməni millətçilərinin Azərbaycana qarşı ərazi iddiaları, törətdikləri qanlı cinayətlərin dünya ictimaiyyətinə çatdırılmasından söz açaraq, gələcək nəsillərin tarixi həqiqətlər barədə daha dolğun məlumat əldə etməsi istiqamətində görülən işlərin vacibliyini vurğulamışlar.

Quba şəhərində “Soyqırımı Memorial Kompleksi”nin təşəbbüsü, Azərbaycan Respublikası Mədəniyyət Nazirliyi, Azərbaycan Milli Elmlər Akademiyasının (AMEA) A. Bakıxanov adına Tarix İnstitutu, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti və Quba Rayon İcra Hakimiyyətinin birgə təşkilatçılığı ilə “31 Mart Azərbaycanlıların soyqırımı”nın 101-ci ildönümünə həsr edilmiş respublika elmi praktik konfransı təşkil edilmişdir. Konfransda Prezident Administrasiyasının humanitar siyasət məsələləri şöbəsinin müdiri Fərəh Əliyeva, dövlət və hökumət rəsmiləri, Milli Məclisin deputatları, diplomatik korpusun və dini konfessiyaların nümayəndələri iştirak etmişlər. İlk öncə tədbir iştirakçıları Ulu Öndər Heydər Əliyevin xatirəsinə ucaldılmış abidəni ziyarət etmiş, daha sonra Memorial Kompleksdə soyqırımı qurbanlarının xatirəsi bir dəqiqəlik sükutla anılaraq, ruhlarına dualar oxunmuşdur. Kompleksin zalında konfrans iştirakçıları “31 mart – Azərbaycanlıların Soyqırımı Günü”nə həsr edilən foto və kitab sərgisi ilə tanış olmuşlar.Tədbir şagirdlərin ifasında dahi bəstəkar Üzeyir Hacıbəylinin “Arazbarı” muğamıilə başlayaraq, sənədli filmin nümayişi ilə davam etmişdir.
Konfransda məruzə ilə çıxış edən Mədəniyyət Nazirliyinin yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov bildirdi ki, 1918-ci ilin mart-aprel aylarında Bakı Sovetinin mandatı altında fəaliyyət göstərən daşnak-bolşevik silahlı dəstələrinin Azərbaycan xalqına qarşı xüsusi qəddarlıqla törətdiyi soyqırımının ağır nəticələrinin yenidən diqqət mərkəzinə çəkilməsi və bu barədə həqiqətlərin dünyaya çatdırılması baxımından təşkil olunan tədbirin əhəmiyyətinin çox böyük olduğunu vurğulamışdır. Mədəniyyət naziri cənab Əbülfəs Qarayev bildirmişdir ki, bu gün ziyarət etdiyimiz Quba Soyqırımı Memorial Kompleksi – xalqımıza qarşı törədilən soyqırımlarının simvoluna çevrilib.
AMEA-nın vitse-prezidenti, akademik İsa Həbibbəyli, Quba Rayon İcra Hakimiyyətinin başçısı cənab Ziyyədin Əliyev, AMEA-nın Tarix İnstitutunun direktoru, Milli Məclisin deputatı akademik Yaqub Mahmudov, Türkiyənin Azərbaycandakı səfiri Erkan Özoral, tarix elmləri doktoru, professor Solmaz Rüstəmova-Tohidi, Milli Məclisin deputatları Vahid Əhmədov və Qənirə Paşayeva və başqaları məruzələrlə çıxış etdilər.
Ölkənin bütün bölgələrindən minlərlə insan 1918-ci il soyqırımı qurbanlarının xatirəsini ehtiramla yad etmək məqsədi ilə Quba soyqırımı qurbanlarının xatirəsinə ucaldılmış abidəni ziyarət etmiş, önünə əklil, tər çiçəklər qoyaraq faciə qurbanlarının xatirəsini ehtiramla yad etmişlər. Quba kütləvi məzarlığına insanların ziyarəti axşam saatlarına kimi davam etmişdir.