“Turizm Sənayesində Peşəkar Bələdçilik Bacarıqlarının İnkişafı” adlı təlim keçirilib Azərbaycan Respublikası Dövlət Turizm Agentliyinin dəstəyi, Quba Regional Turizm idarəsinin təşkilatçılığı ilə turizm sənayesi nümayəndələri üçün "Turizm sənayesində peşəkar bələdçilik bacarıqlarının inkişafı" adlı təlim keçirilib. / 26 Noyabr, 2024
Təlim turizmin inkişafı və regionda peşəkar bələdçilərin yetişdirilməsi məqsədilə həyata keçirilmişdir.
5 gün davam edən təlimdə Quba şəhərində “Soyqırımı Memorial Kompleksi”nin əməkdaşları: Abutalib Turabov, İslam Aslanov, Ülkər Zeynalova və Zərifə Əlirzayeva da iştirak ediblər. Təlim zamanı iştirakçılar regionda yerləşən müxtəlif qoruq və muzeylərə səfər edərək tarixi abidələrlə yaxından tanış olublar. Bələdçilik sahəsində vacib biliklər və praktiki bacarıqlar əldə edən təlim iştirakçıları sonda sertifikatlarla təltif olunublar.
