2018-ci ilin “Azərbaycan Xalq Cümhuriyyəti İli” elan olunması və ölkə başçısının “1918-ci il azərbaycanlıların soyqırımının 100 illiyi haqqında” imzaladığı Sərəncama uyğun olaraq, Azərbaycan Respublikasının Prezidenti yanında Bilik Fondu, Binəqədi Rayon İcra Hakimiyyəti və Quba RİH-nin birgə təşkilatçılığı ilə 28.03.2018-ci il tarixində Quba şəhərində “Soyqırımı Memorial Kompleksi”ndə “Tariximizi öyrənək və öyrədək”adlı tədbir təşkil edilmişdir. Tədbirdə “Diplomatlar” klublarının üzvləri, təcrübəçı tələbələr, Binəqədi Rayon İcra Hakimiyyətində təcrübə keçən ASAN könüllülərinin təmsilçiləri və yerli fəal gənclər iştirak etmişlər. Bilik Fondunun Ölkədaxili layihələr sektorunun müdiri Hacı Abdulla, Binəqədi Rayon İcra Hakimiyyəti İctimai-siyasi və humanitar məsələlər şöbəsinin müdiri Elman Dadaşov, Quba “Soyqırımı Memorial Kompleksi”nin direktoru Rəxşəndə Bayramova çıxış edərək beynəlxalq terrorizmin tərkib hissəsi olan erməni terrorizminin tarixi dəhşətlərindən, 1918-ci ildə ermənilərin törətdiyi soyqırımı faktlarından, 2007-ci ildə şəhər stadionun təmiri zamanı təsadüfən aşkar edilmiş kütləvi məzarlığın ermənilərin törətdikləri vəhşiliklərinin əyani sübutu olduğundan söhbət açdılar. Tədbirdə xalqımızın yaşadığı soyqırımları unutmamaq, vətənin haqq səsini dünyaya çatdırılmasında fəallıq göstərilməsi gənclərə tövsiyyə olundu.
