9-10 noyabr 2018-ci il tarixində Ağsuda “Miras” Mədəni İrsin Öyrənilməsinə Kömək İctimai Birliyi, Odlar Yurdu Universiteti, Türkiyənin Kastamonu Universiteti, İtaliyanın Yokoku Assosiasiyası və Gürcüstan Qafqaz İrsi Araşdırma İnstitutunun dəstəyi ilə Azərbaycan Xalq Cümhuriyyətinin yaranmasının 100 illiyinə həsr olunan “Türk Dünyası Dövlətçilik İrsi” mövzusunda I Beynəlxalq Ağsu Simpoziumu keçirilmişdir. Beynəlxalq Simpoziumda Azərbaycan Xalq Cümhuriyyətinin yaranması, daxili və xarici siyasəti, Cümhuriyyət dövründə mədəniyyət və ədəbiyyat, Azərbaycan parlamenti, azərbaycanlılara qarşı soyqırımı aktları, Qafqaz İslam Ordusunun Bakını azad etməsi, Azərbaycan mühacirəti tarixi, Azərbaycan Xalq Cümhuriyyəti – 100 il rəqəmlərdə: əhali, iqtisadiyyat və beynəlxalq əlaqələr mövzularında məruzələr dinlənilmişdir. Qeyd edək ki, simpoziumda Quba şəhərində “Soyqırımı Memorial Kompleksi”nin Elmi araşdırmalar, ekspozisiya və fond şöbəsinin əməkdaşları Lətafət Beybutova və Abutalib Turabov da çıxış edərək, Sertifikatlara layiq görülmüş və sonda iştirakçılar Ağsunun görməli -gəzməli yerləri ilə tanış olmuşlar.
