Azərbaycanın zəngin orlamentli xalçaları dünyada məşhurdur. Beləki dünyada mövcud olan 4 xalça qrupundan biri Azərbaycan xalça qrupudur ki, öz kompozisiya zənginliyi ilə digərlərindən fərqlənir. Xüsusilə Azərbaycan xalça qrupuna daxil olan Quba-Şirvan xalçaçılıq məktəbinə aid xalçalarda toxunduğu yerin təbiəti, qədimdən bəri burada yaşayan insanların tarixi, mədəniyyəti, inanc və etiqadları müxtəlif formalarda o cümlədən totem və simvollar şəklində əks olunmuşdur. Bu səbəbdən Azərbaycan xalçaları tək incəsənət nümunəsi kimi yox, həmçinin tarixi bir dəyər kimi qiymətləndirilir.
2010 cu ildə YUNESKO-nun Qeyri-Maddi Mədəni İrs üzrə Hökumətlərarası Komitəsinin 5-ci sessiyasında Azərbaycan xalçası bu mötəbər qurumun mədəni irs siyahısına daxil edilmişdir.
