fbpx
  • office@soyqirim.az
  • (023)335-37-07
Abidələrimizi tanıyaq, tanıdaq!

Azərbaycanın mədəniyyət mərkəzi Şuşa şəhərinin ərazisi qədim tarixi- memarlıq abidələri ilə zəngindir. Bu abidələrdən biri də Şuşa şəhərinin mərkəzində yerləşən, inşası dörd mərhələdə həyata keçirilmiş ən qədim məscid- Yuxarı Gövhərağa məscididir.
Qarabağ xanlığının və Şuşa qalasının banisi Pənahəli xanın göstərişi ilə Qarabağ xan sarayı ilə paralel təxminən 1750-ci illərdə qamışdan inşa edilmişdir.
İbrahimxəlil xan hakimiyyətə gəldikdən sonra 1768–1769-cu illərdə qamış
məscidin yerində daşdan yeni məscid tikilmişdir. XIX əsrin I yarısında Gövhər ağanın maddi dəstəyi ilə İbrahimxəlil xanın yararsız hala düşmüş məscidinin
yerində qoşa minarəli üçüncü məscid inşa edilmiş və 1883-cü ildə yenidən Gövhər ağanın maddi vəsaiti əsasında üçüncü məscidin yerində Şuşanın dördüncü və sonuncu cümə məscidi inşa edilmişdir.
8 May 1992-ci ildə Şuşanın işğalından sonra şəhərin bütün memarlıq abidələri kimi bu məsciddə ermənilər tərəfindən
vəhşicəsinə dağıdılaraq yararsız hala salınmışdır. II Qarabağ Savaşı nəticəsində 2020-ci il noyabrın 8-də Şuşa şəhəri və oradakı tarixi memarlıq abidələrimiz erməni əsarətdən azad edilmişdir.