fbpx
  • office@soyqirim.az
  • (023)335-37-07
Bu gün Soyqırımı Memorial Kompleksində son günlərin ən çox oxunan, ən çox danışılan kitabı – “Vətən” poemasının müəllifi, Qubalı ziyalımız Ramiz Qusarçaylının kitab təqdimatı keçirilmişdir. / 28 Aprel, 2022

Tədbiri giriş sözü ilə açan Kompleksin direktoru t.ü.f.d Rəxşəndə Bayramova qonağı salamlayaraq onun yaradıcılığından, tarixi məzmunlu, vətənpərvərlik hisslərinin dərinləşməsi istiqamətində bu kimi əsərlərin əhəmiyyətindən bəhs etmiş və Azərbaycan ədəbiyyatı tarixində böyük maraq doğuran “Vətən” poemasını ərsəyə gətirdiyi üçün şairə təşəkkür etmişdir. Ramiz Qusarçaylı əvvəlcə təşkil olunmuş tədbirə görə minnətdarlığını bildirərək “Vətən” poeması barədə ətraflı məlumat vermişdir. Daha sonra Kompleksin əməkdaşları şairin yaradıcılığında yer almış əsərləri, xüsusilə də, vətən sevgisindən ilhamlanan, könül duyğularını və poetik düşüncələrini “Azərbaycan Bayrağı” şeirində böyük ustalıqla tərənnüm edərək mükəmməl bir əsər yaratması barədə çıxışlar etmişlər. Şairin öz dilindən səslənən şeirlərlə bitən tədbir xatirə şəkli ilə başa çatmışdır.