Author: admin

28.04.2016 cı ildə  Quba Rayon Prokuroru Valeh Səmədov, Baş Prokuroruluğun əməkdaşları, Səüdiyyə Ərəbistan krallığının Ali Baş Prokurorluq orqanlarının nümayəndələri, şahzadə Müsəid bin Abdulrəhman bin Ayət və digər qonaqlar “Soyqırım memorial kompleksi”ndə 1918 ci ildə baş verən soyqırım haqqında ətraflı məlumat aldılar.

28.04.2016 cı ildə Milli Təhlükəsizlik Nazirliyinin Quba şöbəsinin rəisi və əməkdaşları, ABŞ-ın Mərkəzi Kəşfiyyat idarəsinin nümayəndələri “Soyqırım   kompleksi”ni ziyarət etmişlər.

21.04.2016 cı il Quba Rayon İcra Hakimiyyəti rəsmiləri , Quba Rayon Prokuroru Valeh Səmədov , Quba Rayon Məhkəməsinin sədri Füzuli Pənahov , Türkiyyə Respublikası Ali Məhkəməsinin sədri İsmail Rüştü Cirit , Türkiyyə Respublikasının Baş Prokuroru Mehmet Akarca ve digər qonaqlar  “Soyqırım memorial kompleksi”ni ziyarət ediblər.  Erməni vəhşiliklərindən  təsirləndiklərini bildirən ziyarətçilər bu soyqırımı dunyaya çatdırmaq üçün Türkiyənin hər zaman Azərbaycana dəstək olduğunu vurğuladılar.

Şirvan şəhərinin deputatı Rəfael Cəbrayılovun təşəbbüsü ilə 30 mart 2016-cı il tarixdə Şirvan şəhərindən 50 nəfərə yaxın gənc Quba Soyqırımı məzarlığını ziyarət etdilər və soyqırım qurbanlarının xatirəsinə ucaldılmış Quba Soyqırımı Memorial Kompleksi ilə tanış oldular. Ziyarətdən sonra ilkin təəsüratlarını bölüşmək üçün Şirvan gəncləri ilə Quba gəncləri arasında debat təşkil olundu.

26.03.2016 cı ildə Türkiyyə Rspublikasının Azərbaycandakı Fövqəladə və Səlahiyyətli səfiri Alper Coşkun , səfirliyin əməkdaşları ilə Quba “Soyqırımı memorial kompleksi”ni və ərazidəki kütləvi məzarlığı ziyarət edib. Ziyarətçilərə 2007-ci ilin aprelində aşkarlanmış Quba kütləvi məzarlığı haqqında ətraflı məlumat verilib. Komplekslə tanışlıqdan sonra səfir xatirə kitabına ürək sözlərini yazıb

Prezident İlham Əliyevin tapşırığına əsasən ümumtəhsil məktəblərinin yuxarı sinif şagirdləri üçün “Ölkəmizi tanıyaq”  layihəsinə əsasən , Azərbaycanın müxtəlif bölgələrinə turlar təşkil olunmuşdur. Layihə çərçivəsində  19.03.2016 cı ildə Naxçıvan Muxtar Respublikasından gələn məktəblilər Qubaya səfər etmişdir. Səfər zamanı onlar  Soyqırım kompleksində olmuşlar. Məktəblilərə 1918 ci ildə baş verən hadisələr haqqinda  kompleksin bələdçiləri ətraflı məlumat vermişlər.

25.02.2016 cı il Böyuük Britaniyanın Azərbaycandakı Fövqəladə və Səlahiyyətli səfiri İrfan Siddiq, səfirlik əməkdaşları Quba Soyqırımı memorial kompleksi ilə tanış olublar. Daha sonra britaniyalı diplomat xatirə kitabına ürək sözlərini yazaraq  bu səfərin bölgəni yaxından tanımaq və Qubanın tarixini öyrənmək üçün gözəl imkan yaratdığını qeyd edib.

12.04.2015 ci ildə Azərbaycan İsrail (AZİZ) dağ yəhudilərinin icmasının rəhbərliyi, İsrailli qonaqlarla Kompleksdə olmuşlar. Sonda ürək sozlərini xatirə kitabına yazmışlar.