Posted on

Azərbaycan-Gürcüstan “Gənclər həftəsi” çərçivəsində Qubada keçirilən “Azərbaycan-Gürcüstan gənclərinin II beynəlxalq düşərgəsi”nin iştirakçıları Soyqırımı Memorial Kompleksini ziyarət etmişlər. Ziyarətçilərə bildirilmişdir ki, 2007-ci ildə Quba şəhərində aparılan qazıntılar zamanı kütləvi məzarlığın aşkar olunması ermənilərin xalqımıza qarşı həyata keçirdiyi 1918-ci il soyqırımın bariz sübutu olmuşdur.

Bu həqiqətlərin dünya ictimaiyyətinə çatdırılması, Azərbaycan xalqının milli yaddaşının qorunması və həlak olan on minlərlə azərbaycanlının xatirəsinin əbədiləşdirilməsi məqsədilə cənab Prezident İlham Əliyevin 30 dekabr 2009- cu il tarixli sərancamı, Heydər Əliyev fondunun təşəbbüsü təşəbbüsü ilə Quba şəhərində “Soyqırımı Memorial Kompleksi” yaradılmışdır.

Posted on

Türkiyə Respublikasının ölkəmizdə yeni təyin olunmuş fövqəladə və səlahiyyətli səfiri Birol Akgün Qubaya səfər edib. Səfər çərçivəsində cənab səfir Soyqırımı Memorial Kompleksini ziyarət edib.

Səfir Birol Akgünə 2007-ci ilin aprel ayında ərazidə torpaq işləri görülərkən kütləvi məzarlığın aşkarlandığı bildirilib. Bundan sonra Azərbaycan Milli Elmlər Akademiyasının Arxeologiya və Etnoqrafiya İnstitutunun əməkdaşları tərəfindən kütləvi məzarlıqda geniş tədqiqat işləri aparılıb. Tədqiqatlar nəticəsində məzarlığın 1918-ci ildə ermənilərin yerli dinc əhaliyə qarşı törətdikləri soyqırımı ilə bağlı olduğu müəyyən edilib. Tədqiqat işlərinin nəticəsi olaraq məzarlıqda müxtəlif yaş qruplarına aid 500-dən çox insan qalıqları aşkar edilib. Sonda cənab səfir Quba Soyqırımı Memorial Kompleksinin xatirə kitabına ürək sözlərini yazmışdır.

Posted on

Gənclər və İdman Nazirliyi, Qərbi Azərbaycan İcması, Bakı Dövlət Universiteti, “ASAN Könüllüləri” təşkilatı və “Regional İnkişaf” İctimai Birliyinin birgə təşkilatçılığı ilə Quba rayonunda keçirilən “Tarixin izi ilə: yaddaşımız gələcəyimizdir” III gənclər düşərgəsinin iştirakçıları Quba şəhərində “Soyqırım Memorial Kompleksi”ni ziyarət ediblər. Ziyarətçilərə 1918-ci ildə erməni silahlı dəstələri tərəfindən Qubada və ətraf ərazilərdə törədilmiş soyqırım hadisələri, kütləvi məzarlıqlar və memorial kompleksdə sərgilənən tarixi eksponatlar haqqında ətraflı məlumat verilib.

Posted on

Meksika Birləşmiş Ştatlarının ölkəmizdəki fövqəladə və səlahiyyətli səfiri xanım Mariya Viktoriya Romero Kabalyero Qubaya səfər edib. Səfər çərçivəsində xanım səfir Quba şəhərində “Soyqırımı Memorial Kompleksi”ni ziyarət etmişdir.

Ziyarət zamanı Xanım Mariya Viktoriya Romeroya 1918-ci ildə bolşevik-erməni daşnaklarının Azərbaycan torpaqlarında günahsız dinc müsəlman əhaliyə qarşı törətdikləri soyqırımı hadisələri, eləcə də 2007-ci ildə ərazidə təmir tikinti işləri aparılan zaman təsadüf nəticəsində aşkarlanan toplu məzarlıq haqqında ətraflı məlumat verilib. Sonda xanım səfir öz təsssüratlarını xatirə kitabına yazmışdır.

Posted on

Azərbaycan Respublikasının Prezidenti Quba şəhərində «Soyqırımı memorial kompleksi» nin yaradılması haqqında Sərəncamı

Quba şəhərində «Soyqırımı memorial kompleksi» nin yaradılması haqqında Sərəncamı
Ötən əsrin əvvəllərində erməni-daşnak quldur dəstələrinin Azərbaycan torpaqlarında həyata keçirdikləri kütləvi etnik təmizləmə və təcavüz siyasəti nəticəsində Bakı, Quba, Qarabağ, Şamaxı, Kürdəmir, Salyan, Lənkəran və digər bölgələrdə on minlərlə günahsız azərbaycanlı qətlə yetirilmiş, xalqımıza qarşı XX yüzilliyin ən faciəli soyqırımlarından biri törədilmişdir. Təkcə Quba qəzasında 1918-ci ilin aprel-may ayları ərzində 167 kənd tamamilə dağıdılmışdır. Quba şəhərindəki kütləvi məzarlıqda soyqırımı nəticəsində hədsiz amansızlıq və xüsusi qəddarlıqla öldürülən azərbaycanlılarla yanaşı ləzgilərin, yəhudilərin, tatların və digər milli azlıqlara mənsub olan minlərlə insanların zorakılığa məruz qaldığı aşkar edilmişdir.
Erməni millətçilərinin cinayətkar əməllərinin dünya ictimaiyyətinə çatdırılması, Azərbaycan xalqının gələcək nəsillərinin milli yaddaşının qorunması və soyqırımı qurbanlarının xatirəsinin əbədiləşdirilməsi məqsədi ilə qərara alıram:
1. Azərbaycan Respublikasının Quba şəhərində «Soyqırımı memorial kompleksi» yaradılsın.
2. Azərbaycan Respublikasının 2009-cu il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Quba şəhərində «Soyqırımı memorial kompleksi»nin yaradılması üçün Quba Rayon İcra Hakimiyyətinə 1,0 (bir) milyon manat məbləğində vəsait ayrılsın.
3. Azərbaycan Respublikasının Maliyyə Nazirliyi bu Sərəncamın 2-ci bəndində nəzərdə tutulmuş vəsaitin maliyyələşdirilməsini müəyyən olunmuş qaydada həyata keçirsin.
4. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
Azərbaycan Respublikasının Prezidenti
İlham Əliyev
Bakı şəhəri, 30 dekabr 2009-cu il
№ 673
Posted on

Gənclərin İnkişaf və Karyera Mərkəzinin Quba-Xaçmaz regional nümayəndəliyi, Quba Soyqırımı Memorial Kompleksi və Azərbaycan Dövlət Pedaqoji Universitetinin Quba filialının birgə təşkilatçılığı ilə “Qərbi Azərbaycan – Tarixi torpaqlarımıza baxış” adlı maarifləndirici tədbir keçirilib. Tədbirin keçirilməsində məqsəd gənclər arasında Qərbi Azərbaycanın tarixi, mədəni irsi və orada yaşayan azərbaycanlıların keçmişi haqqında dolğun məlumatların yayılması, həmçinin bu mövzuya olan diqqət və marağın artırılmasıdır.

Posted on

Azərbaycan Respublikasında Dövlət Suverenliyi Gününün təsis edilməsi haqqında Azərbaycan Respublikası Prezidentinin Sərəncamı

Ermənistan Respublikası 1990-cı illərin əvvəllərindən başlayaraq Birləşmiş Millətlər Təşkilatının Nizamnaməsinin tələblərini kobud şəkildə pozaraq Azərbaycan Respublikasına qarşı işğalçılıq siyasəti həyata keçirmiş və hərbi gücdən istifadə edərək ölkəmizin beynəlxalq səviyyədə tanınmış ərazisinin 20 faizini işğal etmişdir. Ermənistanda və işğal olunmuş Azərbaycan torpaqlarında azərbaycanlılara qarşı etnik təmizləmə aparılmış, insanlıq əleyhinə cinayətlər və hərbi cinayətlər nəticəsində şəhər və kəndlərimiz viran edilmiş, ölkəmizin təbii resursları talan olunmuş, dövrümüzün ən dəhşətli faciələrindən olan Xocalı soyqırımı törədilmişdir.
Ermənistanın yeni işğalçılıq planlarına, növbəti hərbi təcavüz cəhdinə və ardıcıl təxribatlarına cavab olaraq 2020-ci il sentyabrın 27-də başlamış 44 günlük Vətən müharibəsi nəticəsində Azərbaycan Silahlı Qüvvələri Ermənistan ordusunu darmadağın etmiş və tarixi Zəfər qazanmışdır. Azərbaycan öz torpaqlarını 30 illik işğaldan azad edərək ərazi bütövlüyünün bərpasına və BMT Təhlükəsizlik Şurasının qətnamələrinin yerinə yetirilməsinə nail olmuşdur.
2023-cü il sentyabrın 19-da Azərbaycanın Qarabağ iqtisadi rayonunda törədilən genişmiqyaslı təxribatların qarşısının alınması və Ermənistan silahlı qüvvələrinin qalıqlarının tərksilah edilərək torpaqlarımızdan çıxarılması, həmin ərazilərdə Azərbaycan Respublikası konstitusiya quruluşunun bərpa edilməsi məqsədilə antiterror əməliyyatına başlanmışdır. Cəmi 23 saat davam etmiş və sentyabrın 20-də başa çatmış əməliyyat nəticəsində rəşadətli Azərbaycan Ordusu qarşısına qoyulmuş bütün vəzifələri yüksək peşəkarlıqla yerinə yetirmişdir. Beləliklə, növbəti parlaq Qələbə nəticəsində Azərbaycan Respublikasının suverenliyi tam bərpa edilmişdir. Azərbaycan xalqının həyatında müstəsna əhəmiyyət kəsb edən şanlı Zəfər sayəsində bu gün Azərbaycan Respublikasının Dövlət Bayrağı suverenliyimizin bərqərar olduğu bütün ərazilərdə əzəmətlə dalğalanmaqdadır.
Hər bir xalq üçün öz taleyinə sahib olmaq, müstəqil dövlətini yaradaraq inkişaf etdirmək onun ən böyük nailiyyətidir. Tarixin müxtəlif mərhələlərində üzləşdiyi çətinliklərə, işğala, məhrumiyyətlərə baxmayaraq, heç bir qüvvə xalqımızın müstəqillik, dövlətçilik əzmini sarsıda bilməmişdir. Azərbaycan xalqı bu gün öz müstəqil dövlətinə sahibdir, qəhrəman əsgər və zabitlərimizin, şəhidlərimizin qanı hesabına əldə edilmiş ərazi bütövlüyümüz, suverenliyimiz xalqımızın milli sərvətidir.
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, 2023-cü il sentyabrın 20-də Azərbaycan Respublikasının bütün ərazisində qanunun aliliyinin təmin olunduğunu və Azərbaycan Respublikasının dövlət suverenliyinin bərpa edildiyini nəzərə alaraq qərara alıram:
1. Hər il sentyabrın 20-si Azərbaycan Respublikasında Dövlət Suverenliyi Günü kimi qeyd edilsin.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
İlham Əliyev
Azərbaycan Respublikasının Prezidenti
Bakı şəhəri, 19 sentyabr 2024-cü il
Posted on

"The Contract of the Century"

The Contract of the Century is a landmark oil agreement signed in 1994 between Azerbaijan and 11 international oil companies. The agreement focused on the development of the “Azeri-Chirag-Gunashli” oil fields in the Caspian Sea and marked a major turning point in Azerbaijan’s energy sector.
The National Leader of Azerbaijan, Heydar Aliyev, played a crucial role in the signing of this contract. After restoring political stability in the country in 1993, he created favorable conditions for foreign investment and outlined a strategy to bring Azerbaijan’s oil potential to the global market. Thanks to Heydar Aliyev’s political will and foresight, the country began mutually beneficial cooperation with international companies in the oil industry.
Through the Contract of the Century, Azerbaijan not only modernized its oil sector and strengthened its economy but also reinforced its position in international energy politics. This agreement remains one of the key symbols of Azerbaijan’s path to independent development.
Posted on

ELAN

 ELAN

Simpozium: Qoruqlar və Muzeylər– Keçmişdən Gələcəyə Körpü

Tarix: 3-4.10.2025
Məkan: Soyqırımı Memorial Kompleksi
Təşkilatçı: Soyqırımı Memorial Kompleksi

Qoruqlar və muzeylər təkcə tarixi qorumaq üçün deyil, həm də onu cəmiyyətə ötürmək və gələcək nəsillərə çatdırmaq üçün vacib platformalardır. Bu simpozium qoruq və muzey işinin inkişafı, abidələrin mühafizəsi, bələdçilik və insanlarda qoruq və muzeylərə marağın artırılması istiqamətində mütəxəssisləri və maraqlı tərəfləri bir araya gətirəcək.

Mövzu istiqamətləri:
✔ Qoruq və Muzeylərin tarixi və çağdaş rolu – Muzeylərin yaranma tarixi, funksionallıq dəyişiklikləri və müasir dövrdəki əhəmiyyəti
✔ Mədəni irsin qorunması və rəqəmsallaşdırılması – Tarixi eksponatların mühafizəsi və rəqəmsal texnologiyaların tətbiqi
✔ Abidələrin bərpası və konservasiyası – Tarixi abidələrin qorunması və bərpasında yeni yanaşmalar
✔ Qoruq və muzey pedaqogikası və təhsil sahəsində istifadəsi – Muzeylərin təhsil prosesində rolu və interaktiv öyrənmə metodları
✔ Qoruq və muzeylərdə eksponatların təqdimatı və innovativ yanaşmalar – Rəqəmsal sərgilər, 3D turlar və digər müasir təqdimat üsulları
✔ Bələdçilik və ziyarətçi təcrübəsinin artırılması – Müasir bələdçilik metodları, interaktiv və immersiv təcrübələr
✔ Cəmiyyətin qoruq və muzeylərə marağının artırılması və qoruq-muzey marketinqi – Qoruq və muzeylər üçün effektiv marketinq strategiyaları və cəmiyyətlə əlaqələrin gücləndirilməsi
✔ Qoruq və muzey menecmenti və strateji idarəetmə – Qoruq və muzeylərin idarə olunması, maliyyələşmə modelləri və dayanıqlılıq strategiyaları
✔ Qoruq və Muzeylərdə inklüzivlik və əlçatanlıq – Fiziki məhdudiyyətli şəxslər üçün əlçatan mühitlərin yaradılması və inklüziv proqramların hazırlanması
✔ Qoruq və muzeylərdə süni intellekt və yeni texnologiyalar – Muzey təcrübələrinin artırılması üçün süni intellektin və innovativ texnologiyaların tətbiqi
✔ Qlobal və yerli qoruq, muzeylər arasında əməkdaşlıq imkanları – Beynəlxalq əməkdaşlıq və təcrübə mübadiləsinin rolu

✔ Sosial şəbəkələrdə qoruq və muzeylərin təbliği – influenserlər vasitəsilə muzey və qoruqların təbliği

✔ Ədəbiyyat ilə qoruq və muzeylərin əlaqəsi: Tarixi və Mədəni İrsin İnteraktiv Təqdimatı – ədəbiyyatın qoruqlarda, muzeylərdə interaktiv şəkildə təqdim edilməsi və yazılı əsərlərin eksponatlarla əlaqələndirilməsi üsulları

✔ Qoruq və muzeylərdə musiqilər vasitəsilə təqdimat– Qoruqlarda, muzeylərdə kontekstə uyğun musiqilərin seçilməsi və musiqilərin ziyarətçilərdə təsirli təcrübə yaratmaq üçün istifadəsi

Simpozium materiallarının tərtibinə qoyulan tələblər:

Kağız ölçüsü                                      – A4

Şrift                                                    – Times New Roman

Şrift ölşüsü                                        – 12 pt

Sətirlərarası interval                         – 1,15 sm

Abzas                                                 – 1,25 sm

Hər tərəfdən boş sahə                                    – 2sm

Mövzunun adı                                               – ortadan, böyük hərflərlə, qalın şriftlə

Müəllifin adı, soyadı, ata adı                        – ortadan, qalın şriftlə

İş yeri (təhsil müəssisəsi), şəhər, ölkə  – ortadan, kursivlə

E-poçt ünvanı                                    – ortadan, kursivlə

Orcid kodu                                         – ortadan, kursivlə

Açar sözlər (5-7 söz)                         – Azərbaycan, ingilis və rus dillərində

Xülasə (80-100 söz)                          – məqalənin yazıldığı dildən başqa iki dildə

Həcmi                                                – Tezislər üçün 300 söz, məqalələr üçün 7-9 səhifə

Mətn bölünməlidir                            – giriş, əsas hissə, müzakirə, nəticə

Ədəbiyyata istinadlar                        – kvadrat mötərizədə Məs: [1. s.56]

Ədəbiyyat siyahısı                             – əlifba sırası ilə

Hər müəllifdən yalnız bir tezis (məqalə) qəbul ediləcək (tək vəya həmmüəllif olmaqla)

Elmi dərəcəsi olmayan müəlliflərin məqalələrinə elmi rəhbərin, mütəxəssisin (çalışdığı müəssisənin rəhbərinin) və ya aidiyyəti sahə üzrə müəllimin rəyi əlavə edilməlidir. Bu rəy ayrı bir səhifədə təqdim olunmalı, elmi rəhbərin və ya müəllimin əlaqə vasitələri və iş yeri haqqında məlumatlar qeyd edilməlidir.

Göndərilən məqalələr antiplagiat sistemində yoxlanıldıqdan sonra Simpozium materialları toplusunda dərc olunacaq.

Göstərilən tələblərə cavab verməyən məqalələr  qəbul olunmayaraq çap edilməyəcək.

Məqaləyə görə müəlliflər məsuliyyət daşıyır.

Kimlər iştirak edə bilər?
Tarixçilər, muzey və qoruq mütəxəssisləri, bələdçilər, sənətşünaslar, dizaynerlər, tələbələr və bu sahəyə marağı olan hər kəs!

Qeyd olunan istiqamətlər üzrə incəsənət əsərləri təqdim edəcək şəxslər posterləri ilə birlikdə iştirak edə bilərlər.

Məqalə qəbulu və qeydiyyat üçün son tarix:

Məqalələrin qəbulu üçün son tarix – 15.08.2025

İştirakçılar ilk olaraq tezisləri göndərməlidir.

Tezis və məqalələri qubasimpozium@gmail.com elektron ünvanına göndərə bilərsiniz.

Simpoziumun elmi komitəsi:

  1. Tarix üzrə fəlsəfə doktoru Rəxşəndə Bayramova, Quba şəhərində “Soyqırımı Memorial Kompleksi”nin direktoru
  2. Pedaqogika üzrə fəlsəfə doktoru, dosent. Yeganə Eyvazova, Azərbaycan Dövlət Mədəniyyət və İncəsənət Universitetinin Muzeyşünaslıq kafedrasının müdiri
  3. Pedaqogika üzrə fəlsəfə doktoru, professor Sabir Əmirxanov, Bakı Biznes Universiteti
  4. Tarix üzrə fəlsəfə doktoru Nəsirova Sevinc Akif qızı, Milli Azərbaycan Tarixi Muzeyinin elmi katibi, Azərbaycan Kooperasiya Universitetinin baş müəllimi
  5. Tarix üzrə fəlsəfə doktoru, dosent Bilalov Bahadur Ənvər oğlu, Azərbaycan Respublikası Turizm və Menecment Universitetinin Turizm və Qonaqpərvərlik fakultəsinin dekanı
  6. Tarix üzrə fəlsəfə doktoru Nuranə Əsədullayeva, Nizami Gəncəvi adına Milli Azərbaycan Ədəbiyyatı Muzeyinin Elmi katibi
  7. Tarix üzrə fəlsəfə doktoru Fariz Xəlilli, “Miras” Mədəni İrsin Öyrənilməsinə Kömək İctimai Birliyinin sədri, AMEA Arxeologiya və Antropologiya İnstitutunun aparıcı elmi işçisi
  8. Tarix üzrə fəlsəfə doktoru, dosent Sübhan Talıblı, AMEA-nın akademik Z.Bünyadov adına Şərqşünaslıq İnstitutunun aparıcı elmi işçisi, Quba şəhərində “Soyqırımı Memorial Kompleksi”nin mütəxəssisi
  9. Sənətşünaslıq üzrə fəlsəfə doktoru Pikə Axundova -Talıblı , Azərbaycan Bəstəkarlar İttifaqının üzvü
  10. Sənətşünaslıq üzrə fəlsəfə doktoru Qafarova Günay, Azərbaycan Respublikası Turizm və Menecment Universitetinin İctimai fənlər kafedrasının müdiri
  11. Sənətşünaslıq üzrə fəlsəfə doktoru Günel Seyidəhmədli, Miras Mədəni İrsin Öyrənilməsinə Kömək İctimai Birliyinin İdarə Heyətinin üzvü
  12. Tarix elmləri doktoru, dosent Kərimov Bəhman Bəhram oğlu, Milli Azərbaycan Tarixi Muzeyinin aparıcı elmi işçisi
  13. Tarix üzrə fəlsəfə doktoru Nəciyev Elnur Rasim oğlu, Bakı Mühəndislik Universiteti baş müəllimi
  14. Tarix üzrə fəlsəfə doktoru İsmayılova Aidə Zahid qızı, Milli Azərbaycan Tarixi Muzeyinin böyük elmi işçisi, AZDMİU-nun müəllimi
  15. Filologiya üzrə fəlsəfə doktoru Aysel Şeydayeva, Azərbaycan Dövlət Pedaqoji Universitetinin Quba filialının müəllimi
  16. Fəlsəfə üzrə fəlsəfə doktoru Kəmalə Nuriyeva, Nizami Gəncəvi adına Milli Azərbaycan Ədəbiyyatı Muzeyinin Muzeyşünaslıq və fond işi üzrə direktor müavini
  17. Tarix üzrə fəlsəfə doktoru Günay Həsənova, Qərbi Kaspi Universitetinin müəllimi
  18. Tarix üzrə fəlsəfə doktoru Laçın Mustafayev, Milli Azərbaycan Tarixi Muzeyinin Arxeologiya Elmi Fond Şöbəsinin böyük elmi işçisi, Azərbaycan Dövlət Pedaqoji Universitetinin Quba filialının Ümumi Tarix və Tarixin Tədrisi Texnologiyası kafedrasının baş müəllimi
  19. Kulturologiya üzrə fəlsəfə doktoru Nailə Əliyeva, Nizami Gəncəvi adına Milli Azərbaycan Ədəbiyyatı Muzeyinin Beynəlxalq əlaqələr və dünya muzeyləri şöbəsinin müdiri
  20. Tarix üzrə fəlsəfə doktoru, dosent İradə Əliyeva, AMEA A.A Bakıxanov adına Tarix və Etnologiya İnstitutunun aparıcı elmi işçi
  21. Tarix üzrə fəlsəfə doktoru Təhminə Əliyeva, Pedaqoji Universitetin Qubafilialının Humanitar elmlər kafedrasının baş müəllimi
  22. Sənətşünaslıq üzrə fəlsəfə doktoru Gülsəba Həsənova, Nizami Gəncəvi adına Milli Azərbaycan Ədəbiyyatı Muzeyinin Ədəbi salnamə, bədii-sənədli kinoxroniklər şöbəsinin müdiri
  23. Ələkbərova Sahibə Xəlil qızı, Şuşa Şəhəri Dövlət Qoruğu İdarəsinin Muzey Mərkəzləri ilə iş şöbəsinin müdiri

Təşkilat Komitəsi

  1. Həsən Ağayev – “Xınalıq və Köç yolu” Dövlət Tarix-Mədəniyyət və Etnoqrafiya Qoruğunun direktoru
  2. Tahirə Ələsgərova – Bakı Beynəlxalq Multikulturalizm Mərkəzinin əməkdaşı
  3. Məhərrəm Müslümov – Pirhüseyn Xanəgahı Dövlət Memarlıq Qoruğunun direktoru 
  4. Vüqar İsayev – Qobustan Milli Tarix-Bədii Qoruğunun direktoru
  5. Musa Mirsaquliyev – KeşikçidağDövlət Qoruğunun direktoru 
  6. Şölə Bayramova – “Orta Əsr Ağsu şəhəri” Dövlət Tarix-Mədəniyyət Qoruğunun direktoru
  7. Günel Pirquliyeva – “Çıraqqala-Şabran” Dövlət Tarix-Mədəniyyət Qoruğunun direktoru
  8. Anar Laçınov – Zaqatala Tarix-Mədəniyyət Qoruğunun direktoru
  9. Səadət Əliyeva – Avey Dövlət Tarix Mədəniyyət Qoruğunun direktoru

Elmi məsələlərlə bağlı əlaqələndirici şəxs: Namiq Bağırlı – 0506097097

Təşkilati məsələlərlə bağlı əlaqələndirici şəxs: Xəyal Nuhbalayev – 0558850036

Qoruq və muzeylərin inkişafına, mədəni irsin qorunmasına və cəmiyyət üçün daha əlçatan olmasına birlikdə yol açaq! Sizi simpoziumda iştirak etməyə və bu mühüm missiyaya töhfə verməyə dəvət edirik!

Quba şəhərində “Soyqırımı Memorial Kompleksi”