Author: admin

07.06.2019-cu il tarixində Quba Rayon İcra Hakimiyyəti, Azərbaycan Respublikası İnsan Hüqüqları üzrə Müvəkkili (Ombudsmanın) Quba Regional Mərkəzi və Quba şəhərində “Soyqırımı Memorial Kompleksi”nin təşkilatçılığı ilə “İnsan Hüquqları aylığı” çərçivəsində gənclərin iştirakı ilə “Hüquqlarımızı bilək və qoruyaq” mövzusunda maarifləndirici tədbir təşkil edilmişdir. TədbirdəAzərbaycan Respublikası İnsan Hüqüqları üzrə Müvəkkili (Ombudsmanın) Quba Regional Mərkəzinin rəhbəri Bəhruz Əfəndiyev, QRİH-nin məsul əməkdaşı Qəmbər Abdullayev və Soyqırımı Memorial Kompleksinin direktoru tarix üzrə fəlsəfə doktoru Rəxşəndə Bayramova mövzu barədə çıxışlar etmişlər.
Çıxış edən natiqlər belə məzmunlu tədbirlərin keçirilməsinin əhəmiyyətindən danışaraq, ölkəmizdə insan hüquq və azadlıqlarının, o cümlədən azyaşlı və gənclərin hüquqlarının müdafiəsi, insan hüquqlarının təmin olunmasında yeni mərhələ açan Milli Fəaliyyət Proqramında bu sahə üzrə prioritet istiqamətlərin müəyyən olunmasından bəhs etmişlər. Çıxışlarda bir daha vurğulanmışdır ki, tədbirin keçirildiyi Soyqırım muzeyi heç də təsadüfi seçilməmişdir. Beləki, məhs bu məkanda 101 il öncə kütləvi surətdə dinc günahsiz insanların yaşamaq hüquqları əllərindən alınmışdır. Kütləvi məzarlığın aşkarlandığı bu müqəddəs məkanda belə maarifləndırıcı tədbirlərin keçirilməsi dünyaya bir ismaricdır.
Tədbirin sonunda iştirakçılara mövzu ilə bağlı bukletlər təqdim olunmuşdur.

“Uşaqlara qayğı dünyanın xilası deməkdir”. Azərbaycan dövləti bu mühüm məsələyə daima diqqət və qayğı ilə yanaşır. Kompleksin əməkdaşları bu gün ziyarətə gələn balaca fidanları bayram münasibəti ilə təbrik edərək hədiyyələr təqdim etmişlər.

Muzeylər mənəvi dəyərləri toplayan, qoruyan və təbliğ edən müəssisələrdir. Beynəlxalq Muzeylər Günündə ölkəmizin bütün muzeylərində və qoruqlarında “Açıq Qapı Günü” elan edilir. Bu gün ilə əlaqədar Memorial Kompleksə gələn çoxlu sayda yerli və əcnəbi ziyarətçilər muzeyi ekskursiya etmiş, həmçinin Kompleksin məlumat mərkəzinə dəvət edilərək, Heydər Əliyev Fondu tərəfindən müasir avadanlıqlarla təchiz olunmuş zəngin kitabxana, oxu zalı, audiobələdçilər və Kompleksin rəsmi veb-saytı ilə tanışl olmuşlar. Ziyarətçilərə 1918-ci ildə baş vermiş soyqırımı faktlarını əks etdirən kitablar və 3 dildə 16 adda tərtib olunmuş bukletlər təqdim edilmişdir.

14.05.2019-cu il tarixində Soyqırımı  Memorial  Kompleksində  Prezident  İlham Əliyevin tövsiyəsi ilə reallaşan “Ölkəmizi tanıyaq” maarifləndirici tur-aksiya çərçivəsində Quba şəhər məktəblilərinin fəal iştirakçıları, vətənpərvərlik tərbiyəsində, Azərbaycanımızın tarixini, maddi-mədəniyyətini, sosial-iqtisadi həyatını  daha dərindən  öyrənilməsində  “Ölkəmizi tanıyaq” devizi ilə keçirilən  maarifləndirici tur-aksiyaların  xüsusi əhəmiyyət kəsb etməsi  haqqında Azərbaycan  Televiziyasına (Az.Tv) müsahibə vermişlər.

Ziyarətçilərə ermənilərin 1918-ci ildə törətdikləri vəhşiliklər haqda ətraflı məlumat verilib.

2-3 may 2019-cu il tarixində UNESCO, BMT-nin Sivilizasiyalar Alyansı, Dünya Turizm Təşkilatı, Avropa Şurası və İSESCO-nun birgə tərəfdaşlığı ilə keçiriləcək V Dünya Mədəniyyətlərarası Dialoq Forumunda iştirak etmək məqsədi ilə ölkəmizdə səfərdə olan Avropa Əlamətdar Qəbiristanlıqlar Asossasiyasının prezidenti xanım Lidiya Plibersek, 01 may 2019-cu il tarixində Mədəniyyət Nazirliyi yanında Mədəni İrsin Qorunması İnkişafı və Bərpası üzrə Dövlət Xidmətinin əməkdaşı xanım Səidə Abdullayevanın müşayiəti ilə Quba şəhərində “Soyqırımı Memorial Kompleks”ni ziyarət etmişdir.

27. 04. 2019-cu il tarixində “Mustafa Kamal Atatürk-2019” Türkiyə-Azərbaycan birgə hərbi təlimlərə cəlb olunan türk hərbi əsgər və zabitləri Quba şəhərində “Soyqırımı Memorial Kompleksi”ni ziyarət etmişlər. İlk öncə qonaqlar faciə qurbanlarının xatirəsinə ucaldılan abidəni ziyarət etmiş və qarşısına tər güllər düzmüşlər. Qonaqları salamlayan Kompleksin direktoru tarix üzrə fəlsəfə doktoru Rəxşəndə Bayramova son 2 əsrdə Qafqazda türk-müsəlman əhalisinə qarşı məqsədyönlü şəkildə həyata keçirilmiş etnik təmizləmə, soyqırımı siyasəti və 1918-ci ildə Azərbaycan torpaqlarında erməni quldur dəstələri tərəfindən törədilmiş vəhşilikləri barədə, həmçinin muzeyin ekspozisiyalarında əks olunmuş foto şəkillər və sənədlər haqqında ətraflı məlumat vermişdir.
Sonda qonaqlara soyqırım hadisələrini əks etdirən kitab və bukletlər təqdim edilmişdir.

26.04.2019-cu il tarixində Quba şəhər 2 №-li tam orta məktəbinin ibtidai sinif şagirdləri və müəllimləri  Soyqırımı Memorial Kompleksini  ziyarət etmişlər. Məktəblilərə 1918-ci ildə cinayətkar erməni hərbi dəstələri tərəfindən azərbaycanlılara, o cümlədən azərbaycanda yaşayan digər xalqların nümayəndələrinə  qarşı  törətdikləri  bəşəri cinayətlər  haqqında  ətraflı məlumat verilmişdir.  Daha sonra Kompleksin  bələdçiləri  muzeydə olan  Quba soyqırımına  aid  ayrı – ayrı tarixi  sənədlər, eksponatlar haqqında məlumat verərək, məktəbliləri  maraqlandıran sualları  cavablandırmışlar. Sonda soyqırım hadisələrini əks etdirən sənədli film nümayiş olunmuşdur.