Posted on

Milli-mənəvi birliyimiz, Vətən oğullarının doğma el-obaya sədaqəti, mərdliyi və mətinliyi 44 günlük müharibədə özünü daha bariz şəkildə göstərdi. Bu oğullar öz xalqının əsrlərin sınağından çıxmış milli xüsusiyyətlərinin mahir daşıyıcılarıdır. Onların igidlik nümunələrində xalqın, millətin köklü duyğuları yaşayır. Ötən ilin bu günlərində torpaqlarımızın müdafiəsi uğrunda canlarından keçən şəhidlərimizə Allahdan rəhmət, ailələrinə səbr diləyirik! Vətən səninlə qürur duyur, Azərbaycan əsgəri!

Posted on

İlham Əliyev və Birinci xanım Mehriban Əliyeva Vətən müharibəsi şəhidlərinin xatirəsinə ehtiram əlaməti olaraq keçirilən yürüşdə iştirak ediblər.

Vətən müharibəsi zamanı Azərbaycanın ərazi bütövlüyü uğrunda döyüşlərdə həlak olmuş əsgər və zabitlərimizə, qətlə yetirilən mülki vətəndaşlara və itkin düşmüş soydaşlarımıza ehtiram əlaməti olaraq sentyabrın 27-də – Anım Günündə Bakı şəhərində yürüş təşkil edilib.
Müzəffər Ali Baş Komandan, Prezident İlham Əliyev, birinci xanım Mehriban Əliyeva yürüşdə iştirak ediblər.
Sonra dövlətimizin başçısı Vətən Müharibəsi Memorial Kompleksinin və Zəfər Muzeyinin təməlini qoyub.
Yerli vaxtla saat 12:00-da bütün ölkə ərazisində şəhidlərin xatirəsi bir dəqiqəlik sükutla yad olundu.
Təməlqoyma mərasimindən sonra Prezident, Müzəffər Ali Baş Komandan İlham Əliyev və birinci xanım Mehriban Əliyeva Dənizkənarı bulvar ərazisinə gələrək qəhrəman şəhidlərimizin əziz xatirəsini ehtiramla yad etdilər.
Xəzər dənizinin sahil sularında sıralanan hərbi gəmilərindən fasiləsiz fit səsi verildi, toplardan yaylım atəşi açıldı.
Prezident İlham Əliyev və birinci xanım Mehriban Əliyeva Fəxri xiyabanda ulu öndər Heydər Əliyevin məzarını ziyarət ediblər.
Posted on

44 GÜNLÜK VƏTƏN MÜHARİBƏSİ

Son 2 əsrdir ki, regional və beynəxlaq güclərin hərtərəfli dəstəyi ilə, xalqımıza qarşı terror, işğalçılıq, soyqırım və etnik təmizləmə siyasəti həyata keçirən, bədnam ermənilər vətən torpağında böyük müsibətlər törətmişlər. 1988-ci ildən başlayaraq, tarixi İrəvan torpaqlarımızdan sovet rəhbərliyinin dəstəyi ilə zorla azərbaycanlıların köçürülməsini həyata keçirən, Dağlıq Qarabağda terror, qarşıdurmalar yaradan, ərazilərimizin 20%-ni işğal edən və cənnət Qarabağımızın ekologiyasını, tarixi, dini-mədəni abidələrini, bütün infrasturukturu məhv edən təcavüzkar Ermənistana 44 günlük müharibədə Şanlı Azərbaycan tarixi dərs verdi. Bu tarixi qələbəni 27 sentyabr 2020-ci il tarixində başlanan II Qarabağ müharibəsi ilə bizlər Ali Baş Komandanın rəhbərliyi, Müzəffər Azərbaycan ordusunun qəhrəmanlığı və xalqımızın milli ruhu sayəsində əldə etdik. Məhz həmin gün 32 ildən bəri davam edən Ermənistan-Azərbaycan Dağlıq Qarabağ münaqişəsinin həllində yeni mərhələnin başlanğıcı oldu.
İstər beynəlxaq hüquq baxımından, istərsə də tarixi ədalət baxımından Azərbaycan dövləti və xalqı bir yumruq olmaqla səfərbər olaraq 44 gün ərzində tarixi ədaləti bərpa etdi.
Azərbaycvan Respublikasının Prezidenti və onun Ali Baş Komandanı cənab İlham Əliyevin rəhbərliyi, Müzəffər Ordumuzun peşəkarlığı, yüksək döyüş qabiliyyəti, hərb meydanında göstərdikləri qəhrəmanlıqları nəticəsində 44 gün ərzində düşmənə sarsıdıcı zərbələr endirilməklə Ermənistan məğlub edildi.
Bu şanlı və haqq etdiyimiz tarixi qələbəmiz, dövlətimizin yürütdüyü uğurlu daxili və xarici siyasət, hərbi strategiyası, xalqımızın güclü iradəsi və böyük əzmi, milli ruhu, dünyada yaşayan azərbaycanlıların dəstəyi Azərbaycan dövlətinin gücünü bütün dünyaya nümayiş etdirdi.
Allah vətən müharibəsində şəhidlik zirvəsinə ucalmış vətən oğullarına rəhmət eləsin.
Posted on

VAKANSİYA !!!

 

Quba Soyqırımı Memorial Kompleksinə mütəxəssis vəzifəsinə işçi tələb olunur.

Vəzifə və öhdəliklər:

– Sosial media hesabları və platformaları (Facebook, LinkedIn,Instagram və s.) ilə işləmək;
– Kompleksin saytına, sosial şəbəkələrinə gündəlik gələn şərh (rəy, mesaj) və soruğuları cavablandırmaq;

– Yerli və beynəlxalq simpozium, konfranslarda iştirak üçün tarixi mövzularda elmi məqalələr hazırlamaq

 

Namizəd üçün tələblər:

  • Yaş həddi: 25-35 yaş arası 
  • Ali təhsil(tarix və ingilis dili sahəsi üzrə)
  • Dil bilikləri: Azərbaycan və ingilis dilində sərbəst danışma və yazma bacarığı
  • Kompüter bilikləri : Microsoft office paket
  • Ünsiyyət qurma, kollektivdə işləmə qabiliyyəti
  • Dəqiqlik və yüksək icraçılıq bacarığı
  • Kreativ ideyalı və yaradıcı qabiliyyətli, məsuliyyətli və diqqətli olmalı

 

İş təcrubəsi: arzuolunandır

İş qrafiki: sürüşən qrafik üzrə (2 gün istirahət günu) saat 09.00-dan-18.00-dək

Əlaqə: Müraciət etmək üçün CV-nizi email ünvanına göndərə bilərsiniz.

Tel:(+99423) 335 37 07

Email:

qsmk@soyqirim.az

office@soyqirim.az

quba.soyqirim@mail.ru

 

Posted on

Tarixdə bu gün 15 sentyabr 1918-ci il Bakının azad olunması günü

Qafqaz İslam Ordusu sentyabrın 14-nə keçən gecə Bakı üzərinə başlanan növbəti hücumla qarşıya qoyulan vəzifələri uğurla yerinə yetirdi. Elə həmin günün axşamı Denstervilin qoşunu gəmilərlə Bakını tərk edərək Ənzəliyə qayıtdı. Sentyabrın 15-də isə döyüşlər o qədər də uzun sürmədi. Həmin gün Sentrokaspi Diktaturası məğlub oldu. Bakının azad olunması üçün türk-Azərbaycan qüvvələrinin apardıqları iki günlük əməliyyat parlaq qələbə ilə başa çatdırıldı.
Sentyabrın 16-da parlaq qələbə münasibətilə türk-Azərbaycan hərbi hissələrinin paradı keçirildi. Paradda Nuru paşa, Xəlil paşa, general Əlağa Şıxlinski, polkovnik Həbib bəy Səlimov, Azərbaycan parlamentinin hökumət üzvləri, eləcə də Bakı və ətraf kəndlərin sakinləri iştirak etdilər.
Posted on

Quba şəhərində “Soyqırımı Memorial Kompleksi”ndə keçirilən “XX əsr Türk-Müsəlman Soyqırımları, Bakının Qafqaz İslam Ordusu tərəfindən qurtuluşundan Qarabağ Zəfərinə doğru Azərbaycan-Türkiyə münasibətləri” mövzusunda II Beynəlxaq Quba Elmi Simpoziumu sona çatmışdır.

Bölmə iclaslarında elmi məqalələri ilə uğurlu çıxış edən tədqiqatçı-alimlərə Seritifikatlar təqdim edilmişdir. Sertifikata layiq görülənlər sırasında Kompleksin direktor müavini Mehriban Əliyeva və mütəxəssisi Ülkər Zeynalova da yer alır.

Posted on

Azərbaycan Respublikası Mədəniyyət Nazirliyi yanında Mədəni İrsin Qorunması İnkişafı və Bərpası üzrə Dövlət Xidməti, Quba şəhərində “Soyqırımı Memorial Kompleksi” və Azərbaycan Pedaqoji Universitetinin “Ümumi tarix və tarixin tədrisi texnologiyası kafedrasının birgə təşkilatçılığı ilə keçirilən “XX əsr Türk-Müsəlman Soyqırımları, Bakının Qafqaz İslam Ordusu tərəfindən Qurtuluşundan Qarabağ Zəfərinə Azərbaycan-Türkiyən münasibətləri”adlı elmi simpozium açılış mərasimi keçirilmişdir.

Simpoziumun keçirilməsində əsas məqsəd regionda elm və tarixin inkişafına dəstək olmaq, XX əsr soyqırımı həqiqətlərini bir daha araşdırmaq, Azərbaycan Xalq Cümhuriyyəti və Türkiyə-Azərbaycan dostluğunun tarixini, 44 günlük vətən müharibəsində əldə etdiyimiz tarixi Zəfərimizi böyük fəxr və qürurla dünya ictimaiyyətinə çatdırmaq və bu sahədə araşdırma aparan alim və tədqiqatçıları bir araya gətirməkdır.

Posted on

XX əsr Türk-Müsəlman Soyqırımları, Bakının Qafqaz İslam Ordusu tərəfindən Qurtuluşundan Qarabağ Zəfərinə doğru Azərbaycan-Türkiyə münasibətləri Bakının erməni – daşnak, bolşevik işğalından azad edilməsinin 103 illiyinə həsr olunmuş ll Beynəlxalq Quba Elmi Simpoziumuna start verildi !XX əsr Türk-Müsəlman Soyqırımları, Bakının Qafqaz İslam Ordusu tərəfindən Qurtuluşundan Qarabağ Zəfərinə doğru Azərbaycan-Türkiyə münasibətləri Bakının erməni – daşnak, bolşevik işğalından azad edilməsinin 103 illiyinə həsr olunmuş ll Beynəlxalq Quba Elmi Simpoziumuna start verildi !

Posted on

Tarixdə bu gün. Ermənistan hərbi birləşmələri tərəfindən dinc azərbaycanlılara qarşı törədilən Ballıqaya qətliamından 29 il keçir.

1992-ci il avqustun 27-dən 28-nə keçən gecə erməni quldurları Laçın rayonundan məcburi köçkün düşən və Goranboy rayonunun Ballıqaya kəndində müvəqqəti məskunlaşmış 24 nəfər azərbaycanlı mülki şəxsi amansızlıqla qətlə yetirib, 9 nəfəri yaralayıblar. Qətlə yetirilənlərin arasında 6 azyaşlı uşaq, o cümlədən 6 aylıq körpə də olub, 3 azyaşlı uşaq hər iki valideynini itirib. Öldürülmüş dinc insanların bəzilərinin meyitləri yandırılıb. Ümumilikdə öldürülənlərin əksəriyyəti uşaqlar, qadınlar və qocalar olub.

Posted on

Tarixdə bu gün. 28 avqust 1919-cu il — Azərbaycan Xalq Cümhuriyyəti hökuməti xalq maarifinin, orta məktəblərin milliləşdirilməsi haqqında qanun qəbul etmişdir.

Azərbaycan hökumətinin 1918-ci il 28 avqust tarixli qərarında göstərilirdi ki, bütün ibtidai tədris müəssisələrində təhsil şagirdlərin öz ana dilində aparılmalı və dövlət dili olan Ana dilinin tədrisi icbari surətdə həyata keçirilməlidir.
Şəkil: Avropada təhsil alan tələbələrin bir qrupu