16.11.2021-ci il tarixində Quba şəhərində“Soyqırımı Memorial Kompleksi”ndə “Dahi Azərbaycan mütəfəkkiri Nizami Gəncəvi ərəb və farsdilli mənbələrdə” adlı onlayn elmi seminar keçirilmişdir.
Əziz izləyicilər! Azərbaycan Respublikası Prezidentinin 05.01.2021-ci il tarixli Sərəncamı ilə dahi Azərbaycan şairi Nizami Gəncəvininanadanolmasının 880 illikyubileyi münasibətilə ölkəmizdə 2021-ci il "NizamiGəncəvi İli" elan edilmişdir. "NizamiGəncəvi İli" çərçivəsində Quba şəhərində “Soyqırımı Memorial Kompleksi”ndə təsdiq edilmiş müvafiq tədbirlər planına əsasən noyabr ayı ərzində onlayn seminarların keçirilməsi planlaşdırılır. Seminarlarin keçirilməsi vaxtları və mövzuları barədə hazırlanmış sxemi təqdim edir və Sizləri həmin tədbirlərdə iştirak etməyə dəvət edirik.
Quba şəhərində "Soyqırımı Memorial Kompleksi" Sizləri "9 Noyabr - Azərbaycan Respublikasının Dövlət Bayrağı Günü" münasibətilə təbrik edir !
Quba şəhərində “Soyqırımı Memorial Kompleksi” sizi “9 Noyabr – Azərbaycan Respublikasının Dövlət Bayrağı Günü” münasibətilə təbrik edir!
Azərbaycan Respublikasının Prezidenti Cənab İlham Əliyevin 17 noyabr 2009-cu il tarixli Sərəncamı ilə 09 noyabr Respublikada “BAYRAQ GÜNÜ” kimi qeyd edilir.
Azərbaycan Respublikasının Dövlət bayrağı Azərbaycan dövlətinin suverenliyi rəmzidir. Bu gün Azərbaycan Respublikası üzərində dalğalanan müqəddəs Dövlət Bayrağımız ilk dəfə 1918-ci il noyabrın 9-da Bakıda, Azərbaycan Xalq Cümhuriyyəti Nazirlər Şurasının qərarı ilə qəbul edilmişdir.
Müstəqil Azərbaycanın dövlət bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən “Türkçülük, islamçılıq və müasirlik” şüarının müəllifi görkəmli Azərbaycan mütəfəkkiri Əli Bəy Hüseynzadədir.
Quba şəhərində “Soyqırımı Memorial Kompleksi”nin əməkdaşları 8 noyabr “Zəfər Günü” ilə əlaqədar Quba şəhərində yerləşən Şəhidlər xiyabanını ziyarət etmişlər.
Ziyarət zamanı ölkəmizin ərazi bütövlüyü uğrunda canlarından keçmiş qəhrəman şəhidlərimizin xatirəsi ehtiramla anılmış və məzarları üzərinə gül dəstələri düzülmüşdür.
8 Noyabr – Zəfər günü
Bu gün, 8 Noyabr Azərbaycanın tarixinə silinməz izlərlə yazılmış, tarixi ədalətin bərpa edildiyi “Zəfər Günü”dür.
Ölkə Prezidenti cənab İlham Əliyevin 2020-ci il dekabrın 3-də “Azərbaycan Respublikasında Zəfər Gününün təsis edilməsi haqqında” imzaladığı sərəncama əsasən ölkədə hər il 8 noyabr Zəfər Günü kimi qeyd olunur.
Dəmir Yumruq əməliyyatı ilə başlayan və 44 gün boyunca davam edən II Qarabağ savaşı nəticəsində işğal altında olan torpaqlarımız düşmən tapdağından azad edildi. Müzəffər Ali Baş Komandanımızın göstərişi ilə qəhrəman əsgərlərimizin, şəhidlərimizin sözlə ifadə edilə bilməyən şücaəti sayəsində bir vaxtlar arzu və diləklərdə, sağlıqlarda söylənilən “Qarabağ” yaramız sağaldı. Azərbaycanın hərbi sahədə əldə etdiyi qələbələr, xüsusilə Şuşanın düşməndən azad edilməsi müharibənin taleyində çox vacib rol oynadı. Bu qələbəni bu gün böyük iftixar hissiylə yaşamağımız Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyi sayəsində mümkün olmuşdu.
Noyabrın 10-u ölkəmiz üçün tarixi bir gün oldu. Rəşadətli Azərbaycan Ordusunun döyüşlərdə əldə etdiyi zəfər Ermənistanı masa arxasında oturmağa məcbur etdi. Azərbaycan, Rusiya prezidentləri və Ermənistan baş naziri tərəfindən noyabrın 10-da imzalanan üçtərəfli bəyanat Azərbaycan tarixinin ən böyük diplomatik qələbəsini təsdiq edən gündür. Bu gün Azərbaycan Qarabağa qovuşdu, tarixi zəfərə imza atdı, şəhidlərimizin, Xocalı qurbanlarının, Gəncə, Bərdə digər şəhər və rayonlarımızda soyqırımları zamanı həlak olan günahsız insanların qisasını döyüş meydanında aldı, işğalçı Ermənistana layiq olduğu yeri göstərdi.
Bəli, qürurla deyə bilərik ki, bu gün biz qalib ölkənin vətəndaşlarıyıq. Hər bir Azərbaycan vətəndaşı xoşbəxtdir ki, bu tarixi qələbənin şahidi oldu. Buna görə xalqımıza bu xoşbəxtliyi və tarixi qələbə sevincini yaşadan müzəffər ordumuza borcluyuq. Vətən naminə canlarından keçən şəhidlərimizin əziz xatirəsi qəlbimizdə daim yaşayacaq. Onların hər biri əsl qəhrəman, gələcək nəsillərə rəşadət və qorxmazlıq nümunəsidir.
Yaşasın Ali Baş Komandan!
Eşq olsun Müzəffər Azərbaycan Ordusuna!
Azərbaycan Respublikasının Prezidenti cənab İlham Əliyevin 05 yanvar 2021-ci il tarixli Sərəncamına əsasən, dahi Azərbaycan şairi Nizami Gəncəvinin anadan olmasının 880 ili ilə əlaqədar olaraq 2021-ci il ölkəmizdə “Nizami Gəncəvi İli ” elan olunmuşdur.
Azərbaycan Respublikasının Prezidenti cənab İlham Əliyevin 05 yanvar 2021-ci il tarixli Sərəncamına əsasən, dahi Azərbaycan şairi Nizami Gəncəvinin anadan olmasının 880 ili ilə əlaqədar olaraq 2021-ci il ölkəmizdə “Nizami Gəncəvi İli ” elan olunmuşdur. “Nizami Gəncəvi İli ” çərçivəsində Quba şəhərində “Soyqırımı Memorial Kompleksi” nin müvafiq tədbirlər planına əsasən Kompleksin elmi işçilərinin Nizami Gəncəvi yaradıcılığına aid elmi məqalələri müxtəlif mətbuat orqanlarında dərc edilir.
8 noyabr “Zəfər Günü” münasibəti ilə Quba şəhərində “Soyqırımı Memorial Kompleksi”nin muzeyində Hikmət Hüseynov adına 4 saylı humanitar məktəb liseyinin müəllim və şagirdləri, eləcə də, valideynlərin iştirakı ilə ədəbi-bədii kompozisiya təşkil edilmişdir.
“Qələbəmiz tariximizin zəfər salnaməsidir” mövzusunda keçirilən tədbirdə məktəbin fəal şagirdləri vətənpərvərlik mövzusunda şerlər, musiqilər səsləndirmiş, kiçik səhnəciklər təqdim etmişlər. Sonda “Zəfər Günü” nə aid sənədli film nümayiş olunmuşdur.
Quba şəhərində Soyqırımı Memorial Kompleksi-nin təşkilatçılığı ilə “Zəfər Günü” nə həsr edilmiş onlayn elmi seminar keçirilib
Onlayn elmi seminarda Kompleksin 20 əməkdaşı iştirak edib. Kompleksin direktoru t.ü.f.d. Rəxşəndə Bayramovanın moderatorluğu ilə keçirilən seminarda tarixçi alim AMEA-nın Şərqşünaslıq İnsititutunun t.ü.f.d, dosent Sübhan Talıblının “Vətən müharibəsində qazanılan qələbə tarixdə qalacaq” mövzusunda məruzəsi dinlənilib.
Konfransda bildiriblər ki, xalqımızın tarixi qələbəsi böyük milli potensialımızı üzə çıxartdı, göstərdi ki, Azərbaycanda müstəqillik dövründə dövlətçilik dəyərlərimizə bağlı, tarixi yaddaşı qoruyub saxlayan, vətənpərvər və əzmkar bir nəsil yetişib. Elə bir nəsil ki, ölkəmizin milli maraqlarının pozulmasına yol vermədi, haqqımız olanın əlimizdən alınması ilə barışmadı, Azərbaycanın adının, bayrağının ucalarda olmasını təmin etdi. “Aradan əsrlər keçəcək, nəsillər bir-birini əvəz edəcək, amma böyük qələbəmiz heç zaman unudulmayacaq.
Əziz izləyicilərimiz, Sizləri 05.11.2021-ci il tarixində saat 09.30-da Quba şəhərində Soyqırımı Memorial Kompleksi”nin təşkilatçılığı ilə “Zəfər Günü” ilə əlaqədar “Vətən müharibəsində qazanılan qələbə tarixdə qalacaq” mövzusunda onlayn elmi seminara dəvət edirik.
Tarixi abidələrimizi tanıyaq: Azərbaycan, Şabran rayonu, Kilvar kəndi, orta əsrlərə aid Alban Kilsəsi. Mənbə: Tarixi Abidələr. Dövlət Xidmətinin Şabran Regional İdarəsi.
Tarixdə bu gün: 1917 -ci ilin 26 -31 oktayabr tarixlərində Bakıda “İsmailiyyə” binasında Musavat partiyasının ilk qurultayı keçirilmişdir.
Qeyd etmək lazımdır ki, Müsavat Partiyasının ilk proqramı 9 maddədən ibarət olub və İslami xarakter daşıyırdı. 1913-cü ildə Məhəmməd Əmin Rəsulzadə muhacirətdən Bakıya qayıtdıqdan sonra Müsavat Partiyasının proqramı təkmilləşdirilmiş, Türkçülük ideyaları ilə dolğunlaşdırılmışdır. 1915-ci ilin oktyabr ayında Məhəmməd Əmin Rəsulzadənin redaktorluğu ilə nəşrə başlayan “Açıq söz” qəzeti həm də Müsavat Partiyasının mətbu orqanı kimi çap olunmuşdur. Qəzet Azərbaycan mətbuat tarixində “Türk ədəbi dili ilə” çap olunan ilk mətbuu orqan olmuşdur.
Məlumdur ki, 1917-ci ilin iyun ayında “Müsavat” Partiyası ilə “Türk Ədəmi Mərkəziyyət” partiyası birləşərək “Türk Ədəmi Mərkəziyyət Partiyası – Müsavat” adlandırılmışdır. Partiyanın mərkəzi Bakıda digər şöbəsi isə Gəncə şəhərində fəaliyyətini davam etdirirdi.
Beləliklə 1917-ci ilin oktyabrında “Türk Ədəmi-Mərkəziyyət Firqəsi -Müsavat” öz proqramını elan edir. Musavat partiyasının ilk əsas sənədi məhz bu proqramın əks olunduğu sənəd olmuşdur. 500 nəfərin iştirakı ilə keçirilən qurultayda Məhəmməd Əmin Rəsulzadə çıxış edir.
Bilindiyi kimi, qurultay 76 maddədən ibarət partiyanın yeni proqramını qəbul edir. Ümumi Azərbaycan Parityası olan Musavat partiyasının proqramına dövlət və muxtariyyət, milli, dini, həqqi-əhliyyət (vətəndaşlıq), iqtisadi, maliyyə, torpaq, işçi və ədliyyə məslələri salınımışdır . O cümlədən bir çox əhəmiyyətli məslələr sənəddə öz əksini tapmışdır.
Partiyanın ikinci qurultayı 1919-cu ilin 2-12 dekabrında keçirilmişdir. Bu qurultayda yenidən M.Ə.Rəsulzadə partiyanın başqanı seçilir.
