Posted on

Azərbaycanlıların soyqırımının 104-cü ildönümü ərəfəsində keçirilmiş elmi seminarlar (24-26 mart)

Quba şəhərində “Soyqırımı Memorial Kompleksi”nin təsdiq edilmiş müvafiq tədbirlər planına əsasən, mart ayı ərzində 1918-ci il azərbaycanlıların soyqırımının 104-ci ildönümünə həsr olunmuş onlayn elmi seminarlar təşkil edilmişdir.
24.03.2022-ci il tarixində “Bakı, Şamaxı və Quba qəzalarında 1918-ci il soyqırımı hadisələri”, 25.03.2022-ci il tarixində “Bakı, İrəvan, Naxçıvan və Zəngəzur bölgələrində daşnak-bolşeviklərin həyata keçirdiyi etnik təmizləmə siyasəti”, 26.03.2022-ci il tarixində “Şərqi Anadolu, Cənubi Azərbaycan və İranda müsəlman əhaliyə qarşı soyqırımlar ” adlı mövzularda kompeksin direktoru t.ü.f.d.Rəxşəndə Bayramovanın moderatorluğu ilə onlayn seminarlar keçirilmişdir. Vebinarlarda kompleksin elmi şöbəsinin əməkdaşları, eləcə də Mədəni İrsin Qorunması, İnkişafı və Bərpası üzrə Dövlət Xidmətinə daxil olan Tarix və Mədəniyyət Qoruqlarının ümumilikdə 120-dək elmi işçisi iştirak etmişdir. Məruzəçilər Azərbaycan torpaqlarında, həmçinin Şərqi Anadolu və İranda erməni qəsbkarlarının həyata keçirdiyi etnik təmizləmə siyasəti nəticəsində dinc müsəlman əhaliyə qarşı törədilən soyqırımı hadisələrindən bəhs etmişlər.
Posted on

Əziz izləyicilər! Sevindirici haldır ki, 2018-ci ildən etibarən akademik Yaqub Mahmudov tərəfindən Quba şəhərində "Soyqırımı Memorial Kompleksi"nə kitab hədiyyə etmə ənənəsi bu gün də uğurla davam etdirilir. Belə ki, AMEA-nın A.A. Bakıxanov adına Tarix İnstitutu tərəfindən Kompleksin kitabxanasına 1918-ci il Azərbaycanlıların soyqırımına dair 100 ədəd kitab hədiyyə edilmişdir.

Tarix İnstitutunun direktoru, tarix üzrə elmlər doktoru, professor Kərim Sükürova, eləcə də kitabların müəllifləri – Vaqif Abışov, İlqar Niftəliyev, Natiq Məmmədzadə, Güntəkin Nəcəfli, Nigar Gözəlova və Nazim Mustafaya öz dərin təşəkkürümüzü bildiririk.
Kitabxanamızın zənginləşməsinə töhfəsini vermək istəyən dəyərli ziyalılarımız ilə əməkdaşlıq etməyə hər zaman hazırıq.
Posted on

Turkiyənin "Tarihstan Sosyal Bilimlər Araşdırma Mərkəzi"nin internet xəbər portalında Quba şəhərində"Soyqırımı Memorial Kompleksi"nin əməkdaşı Seyid Cabbarovun Quba Soyqırımı Kompleksi- Azərbaycanın "Kədər turizmi məkanı kimi " adlı məqaləsi yayımlanmışdır. Qeyd olunan məqaləni Sizə təqdim edirik.

https://www.tarihistan.org/seyid-abdulla-oglu-cabbarov-quba-soyqirimi-memorial-kompleksi-az-rbaycanin-k-d-r-turizmi-m-kani-kimi/25319/

Posted on

Tarixdə bu gün. BMT Baş Assambleyası tərəfindən 2005-ci il noyabrın 1-də qəbul olunmuş qətnaməyə əsasən, hər il yanvarın 27-si Holokost qurbanlarının Beynəlxalq Anım Günü kimi qeyd edilir. Holokost İkinci Dünya Müharibəsi dövründə (1939-1945) milyonlarla avropalı yəhudinin təkcə milli mənsubiyyətinə görə qətl edilməsi hadisəsidir.

Adolf Hitlerin 1933-cü ildə hakimiyyətə gəlməsi ilə yəhudilərin hüquqlarının məhdudlaşdırılmasına başlanıldı. Yəhudilərin hüquqlarının azaldılması ilə addım-addım başlayan fəlakət, 1938-ci ilin noyabrndan başlayan kütləvi soyqırımlar və yüzlərlə tarixi sinaqoqların, yəhudilərin dükanlarının, evlərinin və digər mülklərinin məhv edilməsi və yandırılması ilə nəticələnmişdir. Bu soyqırımları nəticəsində rəsmi yəhudilərin 400-ü öldürülmüş və 36.000 yəhudi isə xüsusi düşərgələrə köçürülmüşdür.
1945-ci ilin yanvar ayının 27-də Sovet ordusu tərəfindən azad olunan Osventsim-Birkenau (Polşa) ölüm düşərgəsində ölənlərin dəqiq sayının müəyyən edilməsi mümkün olmamışdır. Həmin düşərgədə öldürülənlərlə bağlı sənədlərin çoxu məhv edilmişdir. Lakin Nyurenberq tribunalının sənədlərində bu düşərgədə öldürülmüş 2,8 milyon insanların 90% yəhudilər idilər.
Tarixdə erməni vandalizminə və soyqırımlarına məruz qalmış bir ölkə olaraq Azərbaycan dövləti və xalqı yəhudi xalqına qarşı törədilmiş soyqırımlara görə təəssüflənir və hər il Holokost qurbanlarını yad etmək məqsədilə ölkədə müxtəlif anım tədbirləri keçirilir.
Posted on

Kompleksin əməkdaşları beynəlxalq elmi jurnalın redaksiya heyətinə üzv oldular.

2021-ci ildən fəaliyyətə başlayan “Bank and policy” iqtisadi-siyasi elmi jurnalı Azərbaycanda işıq üzü gördü. Jurnalı nəşr edən təşkilat İMCRA (International Meetings and Conferences Research Association) şirkətidir. Bir sıra uğurlu naaliyyətlərə imza atan şirkətin “Bank and policy” jurnalını təsis etməkdə məqsədi, Azərbaycanda siyasi və iqtisadi arenada gedən islahatlara və yeniliklərə ciddi elmi dəstək verməkdir. Sözü gedən jurnalın redaksiya heyətinə Quba şəhərində “Soyqırımı Memorial Kompleksi”nin direktoru t.ü.f.d. Rəxşəndə Bayramova və elmi işçisi t.ü.f.d.,dos. Sübhan Talıblı da üzv olmuşlar.

Posted on

Bu gün Quba şəhərində "Soyqırımı Memorial Kompleksi"nin təşkilatçılığı ilə “20 yanvar- Müstəqilliyə gedən yol” mövzusunda onlayn elmi seminar keçirilmişdir.

Kompleks əməkdaşlarının iştirakı ilə keçirilən seminarda tarixçi, t.ü.f.d, dosent Sübhan Talıblının mövzu ilə əlaqədar məruzəsi dinlənilmişdir. Tarixçi alim məruzəsində 20 Yanvar 1990- cı il tarixində uzun illər sovet imperiyasının əsarətində yaşayan Azərbaycan xalqının azadlıq səsini ucaltdığını və müstəqillik yolunda şərəfli bir tarix yazıldığını həmin dövr hadisələrini təhlil etməklə seminar iştirakçılarının nəzərinə çatdırmışdır.