Layihə çərçivəsində sərgidə iştirak edən şagirdlərə kompleksin bələdçiləri tərəfindən həmin tarixi abidələr haqqında ətraflı məlumatlar verilib. 1500-dən çox şagirdin maarifləndiyi sərginin məqsədi mədəni irsimizin qorunması, Vətən müharibəsi sonrası Qarabağın yenidənqurma prosesinə gənclərin diqqətinin cəlb edilməsi, gənc nəsildə milli ruhun yüksəldilməsi və onların tarixi həqiqətlərlə tanış olmalarına vəsilə olmaqdır. Qeyd edək ki, ümumtəhsil məktəblərində təşkil olunan sərgi 20 oktyabr tarixindən 7 noyabr tarixinədək davam etmişdir.
İlk olaraq Azərbaycanın ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad olunub. Daha sonra çıxış edən Quba Tarix-Diyarşünaslıq Muzeyinin direktoru Mehriban Əliyeva bu qələbənin Azərbaycanın müasir tarixində böyük bir dönüş nöqtəsi olduğunu vurğulayıb. O qeyd edib ki, Zəfər Gününün xalqımızın milli qürurunu əks etdirir və gələcək nəsillər üçün qəhrəmanlıq simvolu olaraq əbədi yaşayacaq.
Quba şəhərində “Soyqırımı Memorial Kompleksi”nin direktor müavini Mehriban Əliyeva öz çıxışında 44 günlük savaşda Azərbaycanın tarixi ədaləti təmin etdiyini vurğulayıb. O bu vətən uğrunda savaşın nəticəsində ölkəmizin beynəlxalq aləmdə qazandığı siyasi və strateji üstünlüklərə diqqət çəkib.
Tədbirdə iştirak edən YAP Quba rayon təşkilatının sədri Fidan Hüseynova çıxışında “Dəmir Yumruq” əməliyyatı ilə başlayan və 44 gün boyunca davam edən II Qarabağ savaşı nəticəsində işğal altında olan torpaqlarımızın düşmən tapdağından azad edildiyini, Müzəffər Ali Baş Komandanımızın göstərişi ilə qəhrəman əsgərlərimizin, şəhidlərimizin sözlə ifadə edilə bilməyən şücaəti sayəsində bir vaxtlar arzu və diləklərdə olan “Qarabağ” yaramızın sağaldığını vurğuladı.
Şəhid ailələri də çıxışlarında Qarabağın işğaldan azad edilməsi ilə Azərbaycanın regionda sabitlik və sülh təminatında əsas rol oynayan ölkəyə çevrildiyini bildiriblər. Onlar bu qələbənin hərbi və siyasi nəticələrini və güclü liderliyin bu nailiyyətdəki rolunu qeyd ediblər.
Tədbirin sonunda “Mədəni İrsimiz: Dünən və Bu Gün” adlı layihə çərçivəsində Qarabağda işğal dövründə dağıdılmış və Vətən müharibəsindən sonra yenidən bərpa olunmuş abidələrə həsr edilən sərgi təqdim olunub. Sərgidə Qarabağın tarixi irsinin bərpası və yenidənqurma işlərinin önəmi, eləcə də Azərbaycanın mədəni irsinin qorunmasının zəruriliyi xüsusi vurğulanıb.
Azərbaycan Respublikasının Prezidenti cənab İlham Əliyevin müvafiq Sərəncamı ilə 2024-cü ilin ölkəmizdə “Yaşıl dünya naminə həmrəylik ili” elan edilməsi, eləcə də ölkəmizdə keçiriləcək COP-29 beynəlxalq tədbiri ərəfəsində Ekologiya və Təbii Sərvətlər Nazirliyi Meşələrin İnkişafı Xidməti – 5 saylı Regional Meşə Təsərrüfatı Mərkəzi və Quba şəhərində “Soyqırımı Memorial Kompleksi”nin birgə təşkilatçılığı ilə Kompleksin yaxınlığında ağacəkmə aksiyası keçirilmişdir. Aksiyada iştirak edən hər iki qurumun 25-dən çox əməkdaşı 40-dək həmişəyaşıl, tuya növlü iynəyarpaq ağac tingi əkmişlər.
Tədbirdə cari ilin noyabr ayında Bakı şəhərində keçiriləcək COP29 çərçivəsində ölkəmiz tərəfindən iqlim dəyişikliyinin təsirləri ilə milli, regional və qlobal səviyyədə mübarizə istiqamətində göstərilən səylərdən, eləcə də, Ermənistanın uzun illər Azərbaycanın işğal olunmuş ərazilərində ətraf mühitə və təbii resurslara vurduğu zərərdən söhbət açılıb. Bundan əlavə, Azərbaycan Respublikasının Prezidenti İlham Əliyevin sərəncamına əsasən 2024-cü ilin “Yaşıl dünya naminə həmrəylik ili” elan edilməsinin mahiyyətindən bəhs edərək, 30 ilə yaxın müddətdə erməni vandalları tərəfindən işğal altında olmuş ərazilərimizdə həyata keçirilmiş qeyri-qanuni fəaliyyət və təbii ehtiyatların istismarı və ekoloji terror haqqında məlumat verib. Kompleks tərəfindən təşkil olunan tədbirdə 100-dək müəllim və şagird heyəti iştirak etmişdir.
30 oktyabr 2024-cü il tarixində Quba rayon Mərkəzləşdirilmiş Kitabxana Sistemi və “Soyqırımı Memorial Kompleksi”nin birgə təşkilatçılığı ilə “Korrupsiyaya yox deyək” mövzusunda tədbir keçirilmişdir. Tədbir zamanı korrupsiyanın cəmiyyətə mənfi təsirləri, bu problemin qarşısının alınması yolları və hüquqi islahatların əhəmiyyəti müzakirə olunmuşdur.
Quba MKS-nin mərkəzi kitabxanasının oxuculara xidmət şöbəsinin müdiri Mehriban Məmmədova öz çıxışında korrupsiyanın dövlət idarəçiliyi və sosial ədalətə zərbə vurduğunu bildirərək, onun qarşısının alınması üçün hər bir fərdin məsuliyyət daşıdığını vurğulamışdır. Daha sonra Kompleksin direktor müavini Mehriban Əliyeva cəmiyyətdə şəffaflığın artırılmasının və hüquq-mühafizə orqanları ilə əməkdaşlığın gücləndirilməsinin korrupsiyaya qarşı mübarizədə əsas olduğunu qeyd etmişdir.
Digər çıxışçılar da korrupsiyanın iqtisadi inkişafı ləngitməsi, sosial ədalətsizliyə səbəb olması və dövlət resurslarının səmərəsiz istifadəsi kimi aspektlərə toxunaraq bu problemin həllində vətəndaş cəmiyyətinin və gənclərin aktiv iştirakının əhəmiyyətini vurğulamışlar.
Kompleksin bələdçiləri tərəfindən həmin abidələr haqqında ətraflı məlumat ( 15-20 dəqiqə) verilib. 8 Noyab Zəfər Günü ərəfəsində keçirilən sərginin məqsədi mədəni irsimizin qorunması, Vətən müharibəsi sonrası Qarabağın yenidənqurma prosesinə gənclərin diqqətinin cəlb edilməsi, gənc nəsildə milli ruhun yüksəldilməsi və onların tarixi həqiqətlərlə tanış olmalarına vəsilə olmaqdır. Qeyd edək ki, ümumtəhsil məktəblərində təşkil olunan sərgi Zəfər Gününə qədər davam edəcək.
